قالیباف: پێشكەوتنی دانوستانەكان بەندە بە جێبەجێكردنی مەرجەكانی ئێران

پەیام

محەمەد باقر قالیباف، سەرۆكی پەرلەمانی ئێران، ڕایگەیاند كە هەر بەرەوپێشچوونێك لە پرۆسەی دیپلۆماسیی ناوچەكەدا بەندە بە جێبەجێكردنی حەوت مەرجە سەرەكییەكەی تاران.
قالیباف لە پۆستێكی فەرمیدا ئاماژەی بەوە كرد، كە ئێران چەندین جار و بە ڕوونی مەرجەكانی خۆی گەیاندووەتە نێوەندگیرەكان و هیچ نەرمییەك لەم بارەیەوە نانوێنن.
قالیباف دووپاتی كردەوە، كە تاران تەنها لەسەر بنەمای ڕێزگرتنی بەرانبەر و جێبەجێكردنی داواكارییە یاساییەكانی ئامادەی هەنگاوی نوێیە و ڕەتیدەكاتەوە سیاسەتی فشار و هەڕەشە بەرانبەر وڵاتەكەی سەركەوتوو بێت، چونكە بە وتەی ناوبراو پێویستە لایەنە نێودەوڵەتییەكان ڕاستی و وردەكاریی ئەم مەرجانە وەك بنەمای سەرەكیی هەر ڕێككەوتنێك لەبەرچاو بگرن  و بەبێ جێبەجێكردنیان هیچ دەرفەتێك بۆ گەیشتن بە ئەنجامی كۆتایی لە ئارادا نابێت.
حەوت مەرجەكەی ئێران بۆ دانوستان لەگەڵ ئەمریكا خۆیان لە ڕاگرتنی شەڕ لە تەواوی بەرەكان لەوانە لوبنان و غەززە و یەمەن، هەڵگرتنی گەمارۆكان و گەمارۆی دەریایی، ئازادكردنی پارە بلۆككراوەكانی ئێران، قەرەبووكردنەوەی زیانە دارایی و گیانییەكانی شەڕی ئەمریكا دژی ئێران، ڕێگادان بە تاران بە بەڕێوەبردنی گەرووی هورمز، هەروەها لەبەرچاوگرتنی مافی پیتاندنی یۆرانیۆم و پێدانی گرەنتیی دووبارەنەبوونەوەی دەستدرێژییەكاندا دەبیننەوە.