هیچكام لە بەرەكانی ئیسرائیل زۆرینەی كنێستیان بەدەست نەهێنا

پەیام

ئەنجامی تەواوەتیی هەڵبژاردنی قەوارەی زایۆنی بڵاو كرایەوە و هیچكام لە بەرەكان نەیانتوانی زۆرینەی پەرلەمانی بەدەست بهێنن.
بەپێی ئەنجامە كۆتایییەكان، هاوپەیمانیی بنیامین نەتانیاهوو توانیویانە 42.3%ی دەنگەكان بەدەست بهێنێت 53  كورسی لە كۆی 120  كورسیی پەرلەمان كنێست، بەدەست هێنا، بەجۆرێك پارتەكەی نەتەنیاهوو 27  كورسی، پارتەكەی بنغەفیر 7 كورسی، پارتەكەی ئاشیر 7 كورسی، پارتەكەی ئاریە دێری 6 كورسی، پارتەكەی بتزلیل سمۆترێچیش 6 كوسی بەدەست هێناوە.

بەرەی ئۆپۆزیسیۆنیش بە سەرۆكایەتیی گادی ئایزنكۆت بە 37.8%ی دەنگەكان  48  كورسیی مسۆگەر كردووە، بەجۆرێك پارتەكەی ئیزنكۆت 21 كورسی، پارتەكەی نەفتالی بیننێت، 12 كورسی، پارتەكەی یایر گۆلان، 8 كوسی، پارتەكەی ئاڤیگدۆر لیبەرمانیش 7 كوسی بەدەست هێناوە.

 لە لایەكی دیكەوە، پارتە عەرەبییەكانیش بەبەرزبوونەوەی ڕێژەی دەنگەكانیان بۆ 14.7% توانیان 19 كوسی مسۆگەر بكەن، كە پارتەكەی یووسف جەباریین 11 كورسی و پارتەكەی مەنسوور عەباسیش 8 كوسی بەدەست هێناوە.
هەرچی لیستەكانی دیكەیە كە ژمارەیان 24 دانەیە هەچەندە 5.2%ی دەنگەكانیان بەدەست هێناوە بەڵام هیچ كورسییەكی پەرلەمانییان لە كنێست بەدەست نەهێناوە.