عێراق... لە پڕۆژە یاسای بودجەدا ملیاران دۆلار بۆ بەهێزکردنی سیستمی بەرگریی ئاسمانی تەرخان کراوە

فەرماندەیی گشتیی هێزە چەکدارەکانی عێراق ڕایگەیاندووە، دەسەڵاتی یاسادانان و جێبەجێکردنی عێراق پەرەپێدانی بەرگریی ئاسمانی و نوێکردنەوەی توانای چاودێرییان خستووەتە پێشەنگی بودجەی ٢٠٢٧. 

فەرماندەیی گشتیی هێزە چەکدارەکانی عێراق ڕایگەیاندووە، بڕیارە بە هەماهەنگی لەگەڵ لیژنەی ئاسایش و بەرگریی پەرلەمان لە پڕۆژە یاسای بودجەی ساڵی ٢٠٢٧دا پەرەپێدانی بەرگریی ئاسمانی و نوێکردنەوەی توانای چاودێریی بخرێتە پێشـەنکی کارەکان و ئەمەش بە ئامانجی قایمکردنی ژێرخانە هەستیار و ئابوورییەکانی وڵات لەبەرانبەر هەر مەترسییەکدا. 

هاوکات عەلی نهێر، ئەندامی لیژنەی ئاسـایش و بەرگری لە پەرلەمانی عێراق بە ڕۆژنامەی سەباحی عێراقی ڕاگەیاند، پەرلەمان و حکوومەت بایەخێکی تایبەت بە بەهێزکردنی دامەزراوەی سەربازی دەدەن؛ لەسەرووی کارە لەپێشینەکانی وەزارەتی بەرگریشەوە بەهێزکردنی سەروەری و سەرلەنوێ پڕچەککردنەوەی سیستەمی بەرگریی ئاسمانییە، هاوشانی کڕینی فڕۆکەی بێفڕۆکەوانی چاودێری و دابینکردنی چەکی بەرگریی پێشکەوتوو لە چوارچێوەی بڕگەکانی بودجەی داهـاتوودا. 

ئەو پەرلەمانتارە باسی لەوەش کرد کە ئاڕاستەیەک هەیە بۆ بەردەوامیدان بە گرێبەستە پێشووەکانی پەیوەست بە سیستەمی بەرگریی ئاسمانی لەگەڵ لایەنی تورکی، و چاوەڕوانیش دەکرێت لە ئاییندەیەکی نزیکدا پشکی دارایی بۆ سیستەمی بەرگریی ئاسمانیی کۆری تەرخان بکرێت.