2 کاتژمێر پێش ئێستا
109 جار خوێنراوەتەوە
ئه‌مڕۆ له ئه‌مریكا ده‌نگدانه و ئه‌مریكییه‌كان نوێنه‌ری خۆیان بۆ كۆنگرێس هه‌ڵده‌بژێرن
په‌یام
دەنگدەرانی ئەمریکا بۆ یەکلاکردنەوەی زۆرینەی هەردوو ئەنجوومەنی کۆنگرێس دەچنە سەر سندووقەکانی دەنگدان، لە کاتێکدا دیموکراتەکان تەنیا پێویستیان بە چەند کورسییەکی کەمە بۆ کۆنتڕۆڵکردنەوەی دەسەڵاتی یاسادانان.
لە پڕۆسەی دەنگدانەکەدا، کێبڕکێ لەسەر سەرجەم ٤٣٥ کورسییەکەی ئەنجوومەنی نوێنەران، ٣٥ کورسی لە کۆی ١٠٠ کورسیی ئەنجوومەنی پیران، و حاکمی ٣٦ ویلایەت بەڕێوەدەچێت.
دیموکراتەکان بۆ گۆڕینی هاوکێشەی دەسەڵات لە کۆنگرێسدا، پێویستیان بە بردنەوەی سێ کورسیی نوێ لە ئەنجوومەنی نوێنەران و چوار کورسی لە ئەنجوومەنی پیران هەیە تا زۆرینەی ڕەها لە دەستی کۆماریخوازەکان دەربهێنن، لە کاتێکدا لە ئێستادا کۆماریخوازەکان خاوەنی زۆرینەی ٥٣ کورسیین بەرانبەر بە ٤٧ کورسی بۆ دیموکراتەکان لە ئەنجوومەنی پیراندا.
ململانێی سەرەکیی هەردوو حزب لەسەر کورسییەکانی ئەنجوومەنی پیران لە ویلایەتە پارێزگار وەک تەکساس، کانزاس، ئایۆوا، ئۆهایۆ و ئەلاسکا چڕبووەتەوە، کە تێیدا دیموکراتەکان هەوڵی شکاندنی باڵادەستیی کۆماریخوازەکان لە تەکساس و کانزاس دەدەن.
بەدەستهێنانی زۆرینەی پەرلەمانی لەلایەن دیموکراتەکانەوە دەسەڵاتی تەواوی بەدواداچوونی یاسایی و بڕیاردان لەسەر بودجەی فیدراڵییان پێدەبەخشێت، کە ئەمەش ئاستەنگی گەورە بۆ تێپەڕاندنی بڕیار و سیاسەتەکانی ئیدارەی کۆشکی سپی لەماوەی دوو ساڵی داهاتوودا دروست دەکات.
لە تۆڕە کۆمەڵایەتیەکان شەیری بکە