كۆمپانیای مارسیدس بۆ پیشەسازی ئۆتۆمبیڵ وەبەهێنان لە ئەڵمانیا ڕادەگرێت

پەیام

كۆمپانیای مارسیدس وەبەرهێنان لە ئەڵمانیا ڕادەگرێت و لێكۆڵینەوەش لە داخستنی هەندێك لە كارگەكانی دەكات.
مارسیدس بێنز، گەورە كۆمپانپای ئەڵمانی بۆ پیشەسازی دروستكردنی ئۆتۆمبێل ڕایگەیاند: وەبەرهێنان لە ئەڵمانیا بلۆك دەكات و لێكۆڵینەوە لە داخستنی هەندێك لە كارگەكانی دەكات.

بە وتەی پسپۆڕان پیشەسازی ئۆتۆمبێل لە ئەڵمانیا بە گەورەترین قەیراندا تێپەڕ دەبێت.
مایكڵ شیبە ئەندامی ئەنجومەنی بەڕێوەبردنی كۆمپانیای مێرسیدس لە دیدارێكدا ڕایگەیاند: ئەنجومەنی ئیدارەكەیان بە كۆی دەنگ بڕیاری دا هەر وەربەرهێنانێك لە شوێنەكانی كۆمپانیاكە لەنێو ئەڵمانیا ڕابگرێت و ئەوان ناچارن بۆ لێكۆڵینەوە لە داخستنی هەندێك لە كارگەكان ئەگەر نەتوانن گۆڕانكاریی لە هەیكەلی تێچووەكان بكەن.

هاوشێوەی هاوتا ئەڵمانیەكانی، كۆمپانیای مێرسیدس بەهۆی كێبڕكێ كۆمپانیا چینیەكان و بەرزبوونەوەی تێچوو ڕووبەڕووی فشار بووەتەوە، كارگێڕیی كۆمپانیاكەش بۆ گەیشتنە ڕێگەچارەیەك بۆ كەمكردنەوەی تێچووەكان گفتوگۆ لەگەڵ نوێنەرانی كارمەندەكانی دەكات، بەڵام گفتوگۆكان بەرەوپێشچوونی بەخۆوە نەبینیوە.