ترەمپ سەردانی چین دەكات و لەگەڵ شی جین و پوتین كۆدەبێتەوە

پەیام

سەرۆكی ئەمریكا سەردانی چین دەكات و لەگەڵ سەرۆكەكانی چین و ڕووسیا كەمكردنەوەی چەكی ئەتۆمی و جەنگی ئێران تاوتوێ دەكات.

كۆشكی سپی بڵاویكردەوە دۆناڵد ترەمپ، سەرۆكی ئەمریكا ڕۆژی پێنج شەممە سەردانی چین دەكات و لە كۆبونەوەیەكدا لەگەڵ ڤلادیمیر پوتین سەرۆكی ڕووسیا و شی جین پینگ سەرۆكی چین پرسی كەمكردنەوەی چەكی ئەتۆمی لە جیهاندا تاوتوێ دەكات.

ئۆلیڤیا ویلز، وتەبێژی كۆشكی سپی بە ڕۆژنامەنووسانی ڕاگەیاند: سەرۆكی ئەمریكا لەو كۆبونەوەیەدا پرسی كەمكردنەوەی چەكی ئەتۆمی لەگەڵ سەرۆكی ڕووسیا و چین تاوتوێ دەكات، چونكە لەو بڕوایەدایە بڵاوبوونەوەی چەكی ئەتۆمی زۆر مەترسیدارە.

ڕۆژی دووشەممە سەرۆكی ئەمریكا سەردانێكی چوار ڕۆژی بۆ ئاسیا دەستپێدەكات و پێشبینی دەكرێت ترەمپ و شی جین و پوتن لە پەراوێزی كۆڕبەندی هاریكاری ئابووری ئاسیا و زەریای هێمن كۆببنەوە و دۆسیەی جەنگی ئێران یەكێك بێت لە تەوەری كۆبونەوەكە.