بەهۆی كێشەیەكەوە چوار كاتژمێر كایەی ئاسمانیی ئەمریكا پەكیكەوت

پەیام

كایەی ئاسمانیی ئەمریكا بۆ ماوەیەك پەكی كەوت، ئەوەش بەهۆی كێشە لە سیستمی چاودێری ئاسمانی و هەزاران گەشتی ئاسمانی هەڵوەشێنرایەوە.
بۆ نزیكەی چوار كاتژمێر گەشتە ئاسمانییەكان لە ئەمریكا ڕاگیران و ئەوەش بووە هۆی هەڵوەشانەوەی نزیكەی 15 هەزار گەشتی ئاسمانی، ئەو پەككەوتنە شڵەژانی لە سەرجەم فڕۆكەخانەكان دروست كرد و دواتر دەستەی فڕۆكەوانیی فیدراڵیی ئەمریكا بڕیاری ڕاگرتنەكەی هەڵگرت و ئاسمانی ئەمریكا كرایەوە.

بەرپرسانی واشنتن ڕایانگەیاند پەككەوتنەكە بەهۆی كێشە لە سیستمی چاودێری ئاسمانی و تەكنەلۆژیا و ئامێرە كۆنەكانەوە بووە و هیچ بەڵگەیەك نییە لەسەر بوونی هێرشی ئەلیكترۆنی، یان كاری تێكدەرانە.
ماركواین مۆڵین، وەزیری ئاسایشی ناوخۆی ئەمریكا لە كۆنگرەیەكی ڕۆژنامەوانیدا ڕەتی كردەوە هیچ هێرشێكی دەرەكی لە پشت ڕووداوەكەوە بێت و وتی: هیچ بەڵگەیەك نییە لەسەر ئەوەی ئەوە هێرشی ئەلیكترۆنی بووبێت و هیچ مەترسییەك نەبووە لەسەر ژیانی هاووڵاتیان لەوەی ڕوویدا و دەستەی فڕۆكەوانی توانی مامەڵە لەگەڵ دۆخەكە بكات.