لە گەرووی هورمز مین بە سێ كەشتی نەوتهەڵگری دیكەدا تەقییەوە

پەیام

ئەمڕۆ مین بە سێ كەشتی نەوتهەڵگر لە گەرووی هورمزدا تەقیەوە و ئێران هۆشداری لە هەوڵدان بۆ تێپەڕبوون بە گەرووەكە بەبێ هەماهەنگی بە كەشتییەكان دەداتەوە.

هێزی دەریایی سوپای پاسدارانی ئێران بڵاوی كردەوە: مینی دەریایی بە دوو كەشتی نەوتهەڵگر لە باشووری گەرووی هورمز تەقیەوە و بەهۆیەوە گڕیان گرت.
هێزی دەریایی سوپاش تەقینەوەی مینێكی بە كەشتیەكی نەوتهەڵگر لە ڕۆژهەڵاتی گەرووی هورمز ئاشكرا كرد.

لە ڕاگەیەنراوێكدا، هێزی دەریای سوپای پاسداران دەڵێت: ئەو دوو كەشتی نەوتهەڵگرە هەوڵیان داوە بە نهێنی و بەبێ ڕەزامەندی بە گەرووی هورمزدا تێپەڕ بن، بۆ ئەوەش ئامێرەكانی ڕادار و دیاریكردنی شوێنەكانیان كوژاندووەتەوە پێش ئەوەی خۆیان بە مینی دەریایی بكێشن و ئاگریان تێبەر ببێت.

لە نوێترین هۆشدارییشدا، دەسەڵاتدارانی ئێران كەشتیەكان لە هەوڵدان بۆ پەڕینەوە لە ئاڕاستە ڕێگەپێنەدراوەكان بەبێ هەماهەنگی لەگەڵی ئاگادار دەكەنەوە و ڕایشیانگەیاند: گەرووی هورمز بەتەواوی لە ژێر دەسەڵاتی ئێراندایە.