23 خولەک پێش ئێستا
41 جار خوێنراوەتەوە
میانمار بە ئەنجامدانی تاوانی كۆمەڵكوژیی دژی موسڵمانانی ڕۆهینگیا تاوانباركرا
پەیام
دادگای دادی نێودەوڵەتیی
بە فەرمیی ڕایگەیاند كە حكومەتی میانمار تاوانی كۆمەڵكوژیی دژی موسڵمانانی ڕۆهینگیا
ئەنجامداوە.
بەپێی بڕیارەكەی دادگا،
هێزە ئەمنییەكانی میانمار بە شێوەیەكی ڕێكخراو و پلانبۆداڕێژراو كاریان بۆ لەناوبردنی
ئەو كەمینە ئایینییە كردووە، كە بووەتە هۆی كوژرانی زیاتر لە 10 هەزار كەس، لەنێویاندا
ژمارەیەكی زۆر ژن و منداڵ هەن.
دادگاكە ئاماژەی بەوەش
كردووە كە دەسەڵاتدارانی میانمار ڕێكاری توندیان گرتووەتە بەر بۆ ڕێگریكردن لە وەچەخستنەوە
لەنێو موسڵمانانی ڕۆهینگیادا.
پێش دەستپێكردنی پرۆسەی
پاكتاوی ڕەگەزیی لە ساڵی 2017دا، نزیكەی 850 هەزار موسڵمان لە هەرێمی ئاراكان نیشتەجێ
بوون، بەڵام زۆربەیان ڕووبەڕووی توندوتیژیی و ئاوارەیی بوونەتەوە.
دادگای دادی نێودەوڵەتیی
جەختی كردەوە كە بەڵگەكان دەیسەلمێنن ئامانجی سەرەكیی ئەم هێرشانە قڕكردنی تەواوەتیی
موسڵمانانی ڕۆهینگیا بووە لەو وڵاتەدا، ئەمەش پێشێلكارییەكی زەقی یاسا نێودەوڵەتییەكان
و مافەكانی مرۆڤە كە پێویستی بە هەڵوێستی جیدیی كۆمەڵگەی نێودەوڵەتیی هەیە.
لە تۆڕە کۆمەڵایەتیەکان شەیری بکە