24 خولەک پێش ئێستا
37 جار خوێنراوەتەوە
عێراق دوو فڕۆكەی مێژوویی جۆری بۆینگ 747 دەفرۆشێت
پەیام
هێڵی ئاسمانیی عێراق ڕایگەیاند،
دوو فڕۆكەی مێژوویی لە جۆری بۆینگ 747ی بە شێوەی ڕاستەوخۆ دەفرۆشرێت بە نرخی 900 هەزار
دۆلار بۆ هەر فڕۆكەیەك.
ئەمڕۆ پێنجشەممە، هێڵی
ئاسمانیی عێراق ڕایگەیاند، دوو فڕۆكەی مێژوویی لە جۆری بۆینگ 747ی بە شێوەی ڕاستەوخۆ
دەفرۆشرێت كە لە ساڵی 1991ـەوە لە فڕۆكەخانەی تۆزەر نەفتە لە تونس ڕاگیراون، بە
نرخی 900 هەزار دۆلار بۆهەر فڕۆكەیەك.
بەگوێرەی وردەكاریی ڕاگەیەندراوەكەی
هێڵی ئاسمانی عێراق، نرخی هەر یەكێك لە فڕۆكەكان بە 900 هەزار دۆلار دەفڕۆشرێت و
هاوكات لیژنەی فڕۆشتن لە باڵیۆزخانەی عێراق لە ئێستادا لە ئۆفەرەكانی تایبەت بە كڕینی
فڕۆكەكان وەردەگرێت.
پێش هەڵگیرسانی جەنگی کەنداو لە سەرەتای ساڵی 1991، حکومەتی عێراق بۆ پاراستنی بەشێک لە کەشتیگەلە ئاسمانییەکەی لە بۆردومانی هاوپەیمانان، دەیان فڕۆکەی مەدەنی و سەربازیی ڕەوانەی وڵاتانی دراوسێ و دۆست کرد (لەوانەش ئێران، ئوردن، یەمەن، مۆریتانیا و تونس).
لەو چوارچێوەیەدا، دوو فڕۆکەی زەبەلاحی هێڵی ئاسمانیی عێراقی (Iraqi Airways) لە جۆری بۆینگ 747 (Boeing 747) ڕەوانەی فڕۆکەخانەی نێودەوڵەتیی تۆزەر نەفتە (Tozeur–Nefta) کران لە باشووری وڵاتی تونس.
لە تۆڕە کۆمەڵایەتیەکان شەیری بکە