13/06/2025
669 جار خوێنراوەتەوە
ترەمپ: لە هێرشەكانی سەر ئێران بەشدار نەبووین بەڵام ئاگاداربووین
پەیام
دۆناڵد ترەمپ دەڵێت: ئاگاداری هێرشەكان بووین بەلام بەشدار نەبووین تیایاندا، جەختیش دەكاتەوە: ئەگەر پێویست بكات بەرگری لە قەوارەی زایۆنی دەكەن.
دۆناڵد ترەمپ، سەرۆكی ویلایەتە یەكگرتووەكانی ئەمریكا لە بارەی هێرشەكانی بەرەبەیانی ئەمڕۆی قەوارەی زایۆنیەوە ڕایگەیاند: پێشتر لە هێرشەكان بۆ سەر ئێران ئاگادار بووین و هەواڵێكی شۆكهێنەر نەبوو. بەڵام سوپای ئەمریكا بە هیچ شێوەیەك لە هێرشە ئاسمانیەكانی سەرئێراندا بەشدار نەبووە و هەر بەو جۆرەش دەمێنێتەوە.
ترەمپ بە تانە و تەشەرەوە دەڵێت: لەمەودوا ژمارەیەكی زۆر فەرماندەی ئێرانی نابینینەوە.
دۆناڵد ترەمپ ڕاشیگەیاندووە: لە هەفتەكانی ڕابردوودا كۆگا مووشەكییەكانی بەرگریی ئاسمانیی ئیسڕائیلمان پڕ كردەوە، ئێستاش چاوەڕێی كاردانەوەی ئێران دەكەین، ئەگەر پێویستیش بكات بەرگری لە ئیسڕائیل دەكەین.
لە تۆڕە کۆمەڵایەتیەکان شەیری بکە