کەشتیگەلی جیهانیی خۆڕاگری: بەردەوامین و نزیك دەبینەوە

کەشتیگەلی جیهانیی  خۆڕاگری، کە بە ئامانجی شکاندنی گەمارۆی قه‌واره‌ی داگیركه‌ری زایۆنی بەرەو غەززە بەڕێکەوتووە، نزیک دەبێتەوە لە سنووری ١٢٠ میلە دەریاییەکە.
لە پۆستێکدا کە لە هەژماری تۆڕی کۆمەڵایەتیی کەشتیگەلی جیهانیی  خۆڕاگری بڵاوکراوەتەوە، زانیاری سەبارەت بە گەشتەکە بڵاوکراوەتەوە.
لە ڕاگەیاندراوەکەدا ئاماژە بە بەردەوامی چوونی کەشتیگەلەکە بەرەو غەززە کراوە و، هاتووە: "نزیک دەبینەوە لە سنووری ١٢٠ میلە دەریاییەکە کە لە نزیکی ئەو ناوچەیەیە کەشتیگەلەکانی پێشوو ڕادەگیران و هێرشیان دەکرایە سەر".
هەروەها لە ڕاگەیاندراوەکەدا باس لەوە کراوە کە چەند کەشتییەکی نەناسراو لە هەندێک لە کەشتییەکانی ناو کەشتیگەلەکە نزیک بوونەتەوە و هەندێکیان لایتەکانیان کوژاندووەتەوە و هاتووە: "بەشداربووان بۆ خۆئامادەکردن بۆ دەستوەردان، ڕێکارەکانی ئاسایشیان جێبەجێ کردووە. کەشتییەکان ئێستا لە کەشتیگەلەکە جیابوونەتەوە".