02/10/2025
393 جار خوێنراوەتەوە
کارڤاخاڵ زووتر لەوادەی خۆی دەگەڕێتەوە
پەیام سپۆڕت - مەڕوان تاڵیب
دانی کارڤاخاڵی بەرگریکاری ڕیاڵ مەدرید زووتر لەوادەی
خۆی دەگەڕێتەوە و دەیەوێت بۆ یاری کلاسیکۆ ئامادەی یاریکردن بێت.
کاپتنەکەی قەڵای سپی لە دێربی مەدرید بەرانبەر ئەتلەتیکۆ
لە خولەکی 59 بەهۆی پێکانەوە یاریگای بەجێهێشت.
ڕۆژنامەی "ئاس" بڵاوی کردووەتەوە، هەرچەندە
پێشبینی دەکرا کارڤاخاڵ نزیک بە 4 بۆ 5 هەفتە لە یاریکردن داببڕێ، بەڵام ماوەکەی
کورتر دەبێت و زووتر لەدوای خۆی دەگەڕێتەوە.
سەرچاوەکە ئاماژە بەوەش دەکات، پلانی دانی ئەوەیە بۆ
یاری کلاسیکۆ لە 26ی ئەم مانگە ئامادەی یاریکردن بێت، یانەکەش گەشبینە بە توانای
چاکبوونەوە و بەشداریکردنی بەرانبەر یانەی بەرشەلۆنە.
کارڤاخاڵ لە یاریی بەرانبەر ڤیاڕیاڵ و خیتافی لە خولی
ئیسپانی بێبەش دەبێت و بەهۆی ڕاگیرانەوە دژی کایرات ئالماتی یاری نەکرد و هاوکات
بەرانبەر یۆڤانتۆسیش بە هەمان هۆکار یاریی نەکات.
لە تۆڕە کۆمەڵایەتیەکان شەیری بکە