پێش 2 هەفتە
529 جار خوێنراوەتەوە
چوار یاریزانی بەرشەلۆنە دژی گرێبەستکردنن لەگەڵ جولیان ئالڤارێز
پەیام سپۆڕت - مەڕوان تاڵیب
چوار یاریزانی
یانەی بەرشەلۆنە دژی گرێبەستکردن لەگەڵ جولیان ئالڤارێزی هێرشبەری یانەی ئەتلەتیکۆ
مەدریدن.
ڕۆژنامەی ناسیۆناڵ ئاماژەی بەوە کردووە، چوار یاریزانی بلاوگرانا دژی گرێبەستکردن لەگەڵ ئالڤارێزن،
دوان لەوانە ڕافینیا و فێران تۆرێسن پێیانوایە هاتنی ئەم یاریزانە ئەرجەنتینییە مەترسییە
بۆ سەر پێگەکەیان لە پێکهاتەی تیپەکەدا.
سەرچاوەکە
هەروەها ئاماژەی بەوە کردووە کە هەردوو یاریزان گاڤی و پێدریش ناڕازین لە گرێبەستکردن
لەگەڵ جولیان ئالڤارێز، چونکە ئەم دوو یاریزانە نزیکن لە فێران تۆرێس و لە چەندین
بۆنەدا پاڵپشتی خۆیان بۆ ناوبراو دەربڕیوە.
ڕافینیا
پێیوایە بەرشەلۆنە پێویستی بە خەرجکردنی 150 ملیۆن یۆرۆ نییە بۆ گواستنەوەی ئالڤارێز،
بەتایبەت دوای گواستنەوەی کەریم ئادیمی و ئەنتۆنی گۆردۆن.
سەرچاوەکە ڕوونکردنەوەی داوە کە ڕاهێنەر هانسی فلیک و بەڕێوەبەری
وەرزشی ديكۆ پێیان وایە نرخی ئالڤارێز زۆر زیادەڕۆیی تێدا کراوە و پێیان باشترە یاریزانێکی
کەمتر تێچوو بگوازنەوە، بەڵام ئەمە ڕای سەرۆک خوان لاپۆرتا نییە، کە گواستنەوەی
ئالڤارێز بە کارێکی لەپێشینە دەزانێت.
لە تۆڕە کۆمەڵایەتیەکان شەیری بکە