پێش 2 هەفتە
542 جار خوێنراوەتەوە
لاپۆرتا پەیامێکی تووند ئاڕاستەی ئەتلەتیکۆ مەدرید دەکات
پەیام سپۆڕت - مەڕوان تاڵیب
خوان لاپۆرتای سەرۆکی بەرشەلۆنە ململانێی گواستنەوەی جولیان
ئەلڤارێزی ئەرجەنتینی گەیاندە لوتکە و هۆشداریی دایە ئەتلەتیکۆ مەدرید.
سەرۆکی بلاوگرانا لە لێدوانێکی نوێدا بۆ ڕۆژنامەی
"مۆندۆ دیپۆرتیڤۆ" وەڵامی ئەتلەتیکۆ مەدریدی دایەوە و وتی: ناتوانرێت هیچ
یاریزانێک بە زۆر لە تیپەکەیدا بهێڵرێتەوە، چونکە ئارەزووی یاریزانەکە بڕیاردەرە.
لاپۆرتا ئاشکرای کرد ئۆفەرێکی 100 ملیۆن یۆرۆییان بۆ کڕینی
جولیان ئەلڤارێز پێشکەش کردووە، بەڵام ئەتلەتیکۆ داوای 500 ملیۆن یۆرۆ دەکات کە مەرجی
هەڵوەشاندنەوەی گرێبەستەکەیەتی و ئالڤارێز ئەو یاریزانەیە کە هانسی فلیکی ئەڵمانی
داوای دەکات.
لە کۆتایدا لاپۆرتا ئاماژەی بەوە کرد کە ئۆفەرەکەیان
تەنیا تاوەکو کۆتایی ئەم مانگە بەردەوام دەبێت و ناکرێت یانەیەکی گەورە یاریزانێکی
ناڕازی بە زۆر بهێڵێتەوە، دەبێت ئەم هەلە بقۆزرێتەوە.
لە تۆڕە کۆمەڵایەتیەکان شەیری بکە