6 رۆژ پێش ئێستا
452 جار خوێنراوەتەوە
قازانجی دارایی مەغریب لە مۆندیال بە ڕێژەیەکی زۆر بەرز بووەتەوە
پەیام سپۆڕت - مەڕوان تاڵیب
هەڵبژاردەی مەغریب بەردەوامە لە چنینیەوەی بەرهەمە درەوشانەوەکانی
لە مۆندیالی ٢٠٢٦، دوای ئەوەی پاداشتە داراییە نوێیەکانی بە گەیشتنی بۆ قۆناغی
چارەکی کۆتایی زۆر بەرز بووەوە.
دەستکەوتەکانی مەغریب تەنهیا لە لایەنی هونەریدا کورت نەبوونەوە،
بەڵکو داهاتە داراییەکانیشی گرتەوە، بەجۆرێک بەهای ئەو خەڵاتانەی کە یەکێتیی تۆپی
پێی مەغریب تا ئێستا مسۆگەری کردووە، گەیشتووەتە زیاتر لە 21 ملیۆن دۆلار.
مەغریب بڕی 10 ملیۆن دۆلاری وەک پاداشتی بەشداریکردن لە
کۆتاییەکانی مۆندیال بەدەست هێنا، لەگەڵ دوو ملیۆن و نیوە دۆلاری دیکە کە (فیفا) وەک
پاڵپشتی بۆ داپۆشینی تێچووی ئامادەکارییەکان پێشکەشی کردووە، کە کەمپە مەشقەکان، گەشتکردن،
مانەوە و لایەنە لۆجستییەکان دەگرێتەوە.
هەروەها هەڵبژاردەی مەغریب یەک ملیۆن دۆلاری دیکەی خستە
سەر داهاتەکانی دوای تێپەڕاندنی قۆناغی کۆمەڵەکان، دواتر چوار ملیۆن دۆلاری دیکەشی
بەدەستهێنا دوای سەرکەوتنی بەسەر هۆڵەندا لە قۆناغی ٣٢دا، و پاشان چوار ملیۆن دۆلاری
زیاتریشی مسۆگەر کرد دوای سەرکەوتنی بەسەر کەنەدا و سەرکەوتنی بۆ قۆناغی چارەکی کۆتایی.
لە نێوان دەستکەوتە وەرزشییەکان و زیادبوونی داهاتە داراییەکاندا،
"شێرەکانی ئەتڵەس" بەردەوامن لە نووسینەوەی لاپەڕەیەکی نوێ لە مێژووی تۆپی
پێی مەغریبدا، بەو ئومێدەی لە قۆناغەکانی داهاتووی مۆندیالی ٢٠٢٦دا دەستکەوتی گەورەتر
بەدەست بهێنن.
لە تۆڕە کۆمەڵایەتیەکان شەیری بکە