03/10/2025
378 جار خوێنراوەتەوە
ئێران تاووتوێی گواستنەوەی پایتەختەکەی بۆ شارێكی كەنار دەریا دەكات
پەیام
سەرۆكی ئێران داوای خێراكردنی هەنگاوەكانی گواستنەوەی پایتەختی ئێرانی لە تاران كرد، ئەمەشی وەك "پێویستییەكی ستراتیژی" وەسف كرد بەهۆی ئەو قەیرانە ژینگەیی و دیمۆگرافی و ئابوورییە سەختانەی كە شارەكە ڕووبەڕووی دەبێتەوە.
مەسعود پزیشكیان لە كۆبوونەوەیەكدا لەگەڵ ژمارەیەك پارێزگار ڕایگەیاند، تارانی 15 ملیۆن كەسی تووشی كێشەی گەورە بووە كە ناكرێت پشتگوێ بخرێت، لەوانەش قەیرانی نیشتەجێبوون، كەمیی ئاو، پیسبوونی ژینگە، و نیشتنی زەوی.
باس لەوەش دەكات، حكومەت تاووتوێی گواستنەوەی ناوەندەكەی بۆ شارێكی كەنار دەریا لەسەر كەنداوی فارس دەكات، بەبێ ئەوەی ناوی شارەكە ئاشكرا بكات. لە كاتێكدا هەندێك لە ڕاپۆرتە ناوخۆییەكان پێشبینی دەكەن كە سیستان و بەلۆچستان یان هورمزگان لە دیارترین كاندیدەكان بن.
هەر لەو بارەیەوە وەزارەتی دەرەوەی قەوارەی زایۆنی لە وەڵامێكی خێرادا ڕایگەیاند، ئەوەی پێویستە گۆڕینی پایتەخت نییە، بەڵكو گۆڕینی ڕژێمە لە ئێران، ئەمەش ئاماژەیەكی سیاسی ڕاستەوخۆیە بۆ ڕەتكردنەوەی سیاسەتەكانی تاران.
لە تۆڕە کۆمەڵایەتیەکان شەیری بکە