1 کاتژمێر پێش ئێستا
19 جار خوێنراوەتەوە
عەراقچی: ئاساییكردنەوەی دەستبەسەرداگرتنی سامانی وڵاتان، مەترسیدارە
پەیام
ئێران وەڵامی پێشنیارەكەی ترەمپ بۆ قەرەبووی زیانەكانی كەشتیوانی لە ناوچەكە دەداتەوە و هۆشداری لە تێكچوونی سیستمی دارایی و ئابووری نێودەوڵەتی دەدات.
عەباس عەراقچی، وەزیری دەرەوەی ئێران هۆشداریی دا لە بەكارهێنانی سەروەت و سامانی وڵاتان بۆ قەرەبووكردنەوەی داواكارییەكانی داهاتوو و ئەوەی بە پێشینەیەكی مەترسیدار ناوبرد.
وەزیری دەرەوەی ئێران لە تۆڕی ئێكس بڵاویكردەوە ئاساییكردنەوەی دەستبەسەرداگرتنی سەروەت و سامانی وڵاتان، موڵكی هەموو وڵاتان دەخاتە ژێر مەترسییەوە و ئەم جۆرە ڕێكارانە دەبنە هۆی دروستبوونی پشێوی لە سیستمی دارایی نێودەوڵەتی و متمانە بەو یاسا نێودەوڵەتییانە لاواز دەكات كە پەیوەندییە ئابوورییەكانی نێوان وڵاتان ڕێكدەخەن.
ئەم لێدوانەی وەزیری دەرەوەی ئێران وەك وەڵامێك بوو بۆ قسەكانی دۆناڵد ترەمپ، سەرۆكی ئەمریكا سەبارەت بە ئەگەری بەكارهێنانی پارە بلۆككراوەكانی ئێران بۆ قەرەبووكردنەوەی ئەو زیانانەی بەر كەشتییەكان لە كەنداو دەكەون.
لە تۆڕە کۆمەڵایەتیەکان شەیری بکە