04/10/2025
315 جار خوێنراوەتەوە
ئۆجەلان: بەرەوپێشچوونی پرۆسەی ئاشتی بە پێداویستییە سیاسی و یاساییەكانییەوە بەندە
پەیام
لە میانی كۆبوونەوەكەیانی لەگەڵ شاندی دەمپارتی، عەبدوڵا ئۆجەلان ڕایگەیاند بەرەوپێشچونی پرۆسەی ئاشتی بە پێداویستییە سیاسی و یاساییەكانەوە بەندە.
شاندی پارتی یەكسانی و دیموكراسی لە ئیمرالی (دەمپارتی) لە بەیاننامەیكیدا ڕایگەیاندووە دوێنێ ڕۆژی هەینی لە زیندانی ئیمرالی كۆبونەوەیەكیان لەگەڵ عەبدوڵا ئۆجەلان ڕێبەری زیندانیكراوی پارتی كرێكارانی كوردستان (پەكەكە) ئەنجام داوە و نزیكەی سێ كاتژمێر و نیوی خایاندووە و جەختیشی لە تەندروستی باش و پڕ لە متمانە بەخۆبوونی ئۆجەلان كردەوە.
شاندەكەی دەمپارتی ئاژەی بەوە كردووە، لە كۆبوونەەكەدا ئۆجەلان رایگەیاندووە: یەكێك لە گرنگترین مۆدێلەكانی چارەسەر لە سەردەمی ئێستادا، دیموكراسی راوێژكارییە، كە بنەمایە بۆ چارەسەركردنی ئەو كێشە زۆرانەی توركیا ڕووبەڕووی دەبێتەوە، چ لە ناوخۆ و چ لە دەرەوە.
ئۆجەلان پێشنیازی كردووە، شێوازی دیموكراسی ڕاوێژكاری پێویستە بگیرێتە بەر لە هەموو پەیوەندییە سیاسی و كۆمەڵایەتییەكان پیادە بكرێت.
بەپێی بەیاننامەكە ئۆجەلان ئاماژەی بەوەش كردووە پابەندن بە لێدوانەكەی كە لە بەیاننامەی 27ی شوباتدا دەرچووە، كە پەرەپێدانی پرۆسەكە پەیوەستە بە مەرجە سیاسی و یاساییەكانەوە و جێبەجێكردنیشی لە روانگەیەكی دروست و گشتگیرەوە بێت.
لە تۆڕە کۆمەڵایەتیەکان شەیری بکە