27/11/2020
278 جار خوێنراوەتەوە
پڕۆسەی داگرتنی ئاڵای سەر بارەگای گرووپە نایاساییەكان لە شارۆچكەی شنگال دەست پێ كردووە
پهیام
پڕۆسەی داگرتنی ئاڵای سەر بارەگای هێز و گرووپە چەكدارە نایاساییەكانی لە شارۆچكەی شنگال دەست پێ كردووە.
سەرۆكی دەزگای ئاسایشی نیشتمانی مووسڵ ڕایگەیاند: پڕۆسەی داگرتنی ئاڵای سەر بارەگای هێز و گرووپە چەكدارە نایاساییەكانی لە شارۆچكەی شنگالی خۆراوای پارێزگای نەینەوا دەست پێ كردووە و بڕیارە تا ڕۆژی یەكشەممەی داهاتوو تەواوای ئەو ئاڵا نایاساییانە دابگیرێن.
سەرۆكی دەزگای ناوبراو وتیشی: تەنیا ئاڵای عێراق لە ناوچەكە هەڵدەدرێت، هەر لایەنێك ئاڵای خۆی دانەگرێت ئەوە بارەگاكەی دادەخرێت.
بڕیار بوو ڕۆژی پێنجشەممەی ڕابردوو ئۆپڕاسیونێكی هاوبەش لەنێوان سوپای عێراق و پۆلیسی فیدڕاڵی بۆ پاككردنەوەی شنگال لە چەكدارەكان بەڕێوە بچێت، بەڵام ئوپڕاسیۆنەكە بۆ ماوەی چوار ڕۆژ دواخرا، ئەو ماوەیەش وەك دەرفەتێك بەو هێز و چەكدارانە دراوە بۆ ئەوەی شنگال چۆل بكەن یا چەكەكانیان دابنێن.
لە تۆڕە کۆمەڵایەتیەکان شەیری بکە