گەنجێكی ئەمریكی دوای 20 ساڵ لە بەندکردنى لەلایەن باوەژنەكەیەوە پۆلیس ڕزگاری کرد

پەیام 

لە ڕووداوێكی سەیردا گەنجێكی ئەمریكی دوای 20 ساڵ بەندكردنی لە ژوورێكدا لەلایەن باوەژنەكەیەوە، توانی لە ڕێی ئاگر بەردان لە خانووەكەیان خۆی دەرباز بكات.

بەپێی سەرچاوەكانی هەواڵ ئەمڕۆ دوای ئەوەی تیمەكانی ئاگركوژێنەوە لە ڕووداوێكی ئاگركەوتنەوە لە شاری وتربری لە ویلایەتی كۆنێتیكت ئاگادار دەكرێنەوە سەردانی شوێنی ڕوداوەكە دەكەن و پاش كۆنترۆڵ كردنی ئاگرەكە بە چیرۆكێكی سەیر ئاشنا دەبن.

ئەوەش دوای ڕزگاركردنی گەنجێك لە ماڵەكەدا كە دواتر دانی بەوەدا نا كە خۆی بە ئەنقەست ئاگری لە ماڵەكە بەرداوە، تا خۆی ڕزگار بكات.

ئەوە گەنجە وتویەتی ماوەی 20 و لەتەمەنی 11 ساڵیەوە لەلایەن هاژینی باوكییەوە بەند كراوە و ڕووبەڕووی برسێتی و ئەشكەنجە بووەتەوە، هەروەها لەو ماوەیەدا هیچ چارەسەرێكی تەندروستی وەرنەگرتووە.

فێرناندۆ سپاگنۆلۆ، بەڕێوەبەری پۆلیسی واتەربێری لە بەیاننامەیەکدا ڕایگەیاندووە، "ئەو ئازارەی ئەو گەنجە قوربانییە بۆ ماوەی 20 ساڵ بەرگەی گرتووە، دڵتەزێنە و بە خەیاڵدا نایەت".

باوەژنى گەنجەکە ناوى کیمبەرلی سولیڤانی تەمەن ٥٦ ساڵە و خاوەنی ماڵەکە بووە و ئەو کەسە بووە کە پەیوەندی بە ژمارە ٩١١ کردووە بۆ ئەوەی ئاگاداری ئاگرەکە بکاتەوە.

بەپێی بەیاننامەکە، سولیڤان بە تۆمەتی دەستدرێژیکردنە سەر و ڕفاندن و زیندانیکردنی ساختە تۆمەتبارکراوە و خراوەتە دەستبەسەرییەوە.