وادەی ناساندنی مۆرینیۆ و پلانی هاوینەی ئاشکرا دەبێت

پەیام سپۆڕت - مەڕوان تاڵیب

وادەی ناساندنی جۆزێ مۆرینیۆ و گەڕانەوەی بۆ ڕاهێنەرایەتی یانەی ڕیاڵ مەدرید ئاشکرا دەبێت.

 پێشتر فلۆرێنتینۆ پێرێز ڕایگەیاندبوو ئەگەر لە هەڵبژاردنەکان سەرکەوتن بەدەست بهێنێت مۆرینیۆ ئەرکی ڕاهێنەرایەتی ڕیاڵ مەدرید دەگرێتە ئەستۆ و دواتر هەڵبژاردنەکانی بردەوە.

سەرچاوەکان لە مەدرید ئاشکرایان کردووە، مۆرینیۆ پاشنیوەڕۆی ئەمڕۆ گەیشتووەتە شاری مەدرید و چاوەڕوان دەکرێت سبەی چوارشەممە وەک ڕاهێنەر بناسێندرێت.

بەپێی سەرچاوەکان بێت، لە گرنگترین کارەکانی مۆرینیۆ لەم قۆناغەدا بریتی دەبن لە داڕشتنی پلانی ئامادەکاری بۆ وەرزی نوێ، دیاریکردنی شوێنی کەمپی مەشق و یارییە دۆستانەکان لەگەڵ یەکلاکردنەوەی پێکهاتەی تیپەکە دوای دڵنیابوونەوە لە گواستنەوەی ئیبراهیما کۆناتی و دێنزڵ دومفرێس و پاشان نوێکردنەوەی پەیوەندی لەگەڵ کارمەندانی شارۆچکەی "ڤاڵدێبێباس" کە زۆربەیان لە قۆناغی یەکەمیدا ناسیویونی.

لە کۆتایدا ئاماژە بەوە کراوە، مۆرینیۆ دەیەوێت یاریزانی "جەنگاوەر" و خاوەن کەسایەتی بەهێز بگوازێتەوە و کێشەی ژووری جلگۆڕین چارەسەر بکات و هاوکات نیکۆ پاز بگەڕێنێتەوە تیپەکە و جۆزێ بۆ هێنانی هێرشبەری نوێ زۆر پەرۆش نییە، بەڵکو ئامانجی هێنانی بەرگریکاری باڵی چەپ و دڵی بەرگری لەگەڵ هێنانی دوو یاریزان بۆ هێڵی ناوەڕاست یەکێکیان دروستکەری یاری و ئەوی دیکەیان ئیرتیکازی بەرگری بێت.