پێش 3 هەفتە
547 جار خوێنراوەتەوە
دیشامپ لە بارەی یارییەکەی عێراقەوە هۆشداری تووند بە یاریزانەکانی دەدات
پەیام سپۆڕت - مەڕوان تاڵیب
دیدێ دیشامپی ڕاهێنەری هەڵبژاردەی فەڕەنسا لە بارەی
یارییەکەی عێراقەوە هۆشداری تووند بە یاریزانەکانی دەدات و خوێندنەوەشی بۆ یاریی
ڕابردوویان کردووە.
لە میانەی لێدوانێکدا بەر لە ڕووبەڕووبوونەوەیان لەگەڵ عێراق
سەرەتا دیشامپ وتی: وا مەزانن عێراق تیپێکی لاوازە، ئەوان لە بۆلیڤیایان
بردووەتەوە و لەگەڵ ئیسپانیاش یەکسان بوون.
ڕاهێنەرە فەڕەنسییەکە ئاماژەی بەوەش کرد، لە یاریی ڕابردوویان
بەرامبەر نەرویج هەڵبژاردەی عێراق تاوەکو خولەکی ٧٥ تەنیا بە دوو گۆڵ لەدواوە بوو.
دیشامپ وتیشی: عێراق بە شێوازی ٤-٤-٢ یاری دەکات و هێرشبەری باڵابەرز و لێهاتوویان
هەیە بۆیە دەبێت ئێمە بە باشی مامەڵەیان لەگەڵدا بکەین.
لە کۆتایی قسەانیدا دیدێ دیشامپ جەختی کردەوە کە تەنیا بە
جددییەت دەتوانن لە عێراق ببەنەوە و نایەوێت یاریزانەکانی تووشی سوپڕایز ببن.
لە تۆڕە کۆمەڵایەتیەکان شەیری بکە