ماوەی 84 ڕۆژە ئاگربەستی غەززە پیشێل دەكرێت

پەیام 

ماوەی 84 ڕۆژە ئاگربەستی غەززە پیشێل دەكرێت و ئەمڕۆش دەیان فەڵەستینی دیكە لە ناوچەی وەرگرتنی هاوكارییەكان شەهید و بریندار بوون.

ئەمڕۆ سوپای زایۆنی هاوشێوەی 20 مانگی جەنگی سەر غەززە لە بۆرجومان و كۆمەڵكوژییەكانی بەردەوام بوو و ناوچە جیاوازەكانی بۆردومان كردەوە و بەپێی زانیارییە مەیدانییەكانیش لە بەرەبەیانی دوێنێوە 44 كەس شەهید بوون و لە بەرەیانی ئەمڕۆیشەوە 13 فەڵەستینی شەهید بوون.

لەو چوارچێوەیەدا سوپای زایۆنی بۆردومانی نزیك ناوچەی دابەشكردنی هاوكاریەكانی لە نتساریم لە ناوەڕاستی كەرتی غەززە كرد و بەهۆیەوە 28 كەس بریندار بوون.

هاوكات لە بۆردومانێكی نزیك ناوچەی دابەشكردنی هاوكارییەكان لە ڕەفەحی باشووری كەرتەكەیش هەشت فەڵەستینی شەهید بوون.

بەمەیش ئاماری قوربانیانی ئەو ناوچانەی كە هاوكارییە مرۆییەكانی لەلایەن ئەمریكاوە لێ دابەش دەكرێت بۆ زیاتر لە 850 شەهید و بریندار بەرز بووەتەوە و ژمارەیەكیش هێشتا بێسەروشوێنە، ئەوەش تەنیا لە 27ی ئادارەوە كە ئەركەكە لە ئاژانسی ئۆنروای سەر بە نەتەوە یەكگرتووەكانەوە بە پاساوی جۆراوجۆر وەرگیراوەتەوە.