10/06/2025
287 جار خوێنراوەتەوە
ڕووسیا و ئۆكرانیا دیلهكانی خوار تهمهن 25 ساڵیان ئاڵوگۆڕكرد
پهیام
بە پێی ئاکامی دانوستانەکانی ئیستانبوڵ لە نێوان ڕووسیا و ئۆکرانیادا، دیلەکانی ژێر ٢٥ ساڵ ئاڵوگۆڕیان پێکرا.
وەزارەتی بەرگریی ڕووسیا بڵاوی کردەوە، وەک پێویستییەک لە ئاکامی دانوستانەکانی ئیستانبوڵ، سەربازە دیلەکانی ژێر تەمەن ٢٥ ساڵ لە ئۆکرانیا وەرگیرانەوە.
وەزارەتەکە ڕاشیگەیاندووە کە بە نزیکەی هەمان ئەو ژمارەیەی سەربازەکانی خۆیان، ئەوەندە سەربازە دیلەی ژێر ٢٥ ساڵیان ڕادەستی دەسەڵاتدارانی کیێڤ کردووەتەوە.
ڕاشگەیاندراوە کە هەموو سەربازە ڕووسییەکان دوای وەرگرتنەوەیان، ڕەوانەی پشکنینی پزیشکی کراون.
لەبارەی ژمارەی ئەو سەربازانەی کە ئاڵوگۆڕیان پێکراوە، هیچ زانیارییەک بڵاو نەکراوەتەوە.
هەر لەم بارەیەوە سەرۆکی ئۆکرانیا ڤلۆدیمیر زێلێنسکی لە پەیامێکدا ئاماژەی بەوە داوە کە سەربازە ئۆکراینییەکانیان لە ڕووسیا وەرگرتووەتەوە و باسی لەوەش کردووە کە لە هەوڵدادەبن بۆ ئەوەی هەموو دیلە ئۆکرانیا بگەڕێننەوە سەر ماڵ و حاڵی خۆیان.
لە تۆڕە کۆمەڵایەتیەکان شەیری بکە