ڕووسیا و ئۆكرانیا دیله‌ نه‌خۆش و برینداره‌كانیان ئاڵوگۆڕكرد

بە پێی ئاکامی دانوستانەکانی ئیستانبوڵ لە نێوان ڕووسیا و ئۆکرانیادا، دیلە نەخۆش و بریندارەکانی نێوان هەردوو وڵات ئاڵوگۆڕیان پێکرا.
وەزارەتی بەرگریی ڕووسیا بڵاوی کردەوە، وەک پێویستییەک لە ئاکامی دانوستانەکانی ڕۆژی ٢ی حوزەیران لە ئیستانبوڵ، لە چوارچێوەی دووهەمین خوولی ئاڵوگۆڕی دیلەکان، سەربازە دیلە نەخۆش و بریندارەکان لە  ئۆکرانیا وەرگیرانەوە.
وەزارەتەکە ڕاشیگەیاندووە کە لەبەرامبەردا گرووپێک سەربازی دیلی  ئۆکرانیایان ڕادەستی کییێڤ کردووەتەوە و جەختی لەوەش کردووەتەوە کە سەربازە ڕووسییەکانیش گەیەندراونەتە بیلاڕووس و پشکنینی پزیشکیان بۆ دەکرێت.
هاوشێوەی خوولی یەکەم کە سەربازە دیلەکانی ژێری ٢٥ ساڵ ئاڵوگۆڕیان پێکرابوو، لە خوولی دووهەمیشدا لەبارەی ژمارەی ئەو سەربازانەی کە ئاڵوگۆڕیان پێکراوە، هیچ زانیارییەک بڵاو نەکراوەتەوە.