ترەمپ هێرشی توندی كردە سەر ئەو کەسانەى كە دەڵێن بەرانبەر بە ئێران نەرم بووە

پەیام

دۆناڵد ترەمپ هێرشی توندی كردە سەر ئەو ڕەخنەگرانەی كە دەڵێن بەرانبەر بە ئێران نەرم بووە و ڕایگەیاند كە سەركەوتنی بۆرسە و دابەزینی نرخی نەوت باشترین وەڵامە بۆ ئەوان. 

سەرۆكی ئەمریكا لە هەژماری "ترووس سۆشیاڵ" ڕایگەیاند ئەو كەسانەی پێیان وایە بە توندی بەرانبەر تاران نەجەنگاوە بە "گەمژە، حەسود یان كەسی خراپ" نابردن.

تڕەمپ ئاماژەی بەوە كرد كە لە سایەی بڕیارەكانی ئەودا، بازاڕی پشكەكان لە ئەمریكا ئاستێكی پێوانەیی نوێی تۆمار كردووە و لە هەمان كاتدا نرخی نەوت لە بازاڕەكانی جیهاندا دابەزیوە، ئەمەشی وەك بەڵگەی سەركەوتنی سیاسەتەكانی بەرانبەر بە ئێران و پاراستنی بەرژەوەندییەكانی ئەمریكا لەقەڵەم دا. 

ئەم وەڵامە توندەی سەرۆكی ئەمریكا دوای ئەوە دێت كە ژمارەیەك لە یاسادانەرانی كۆنگرێس ڕەخنەیان لە یاداشتی لێكتێگەیشتنی نێوان واشنتۆن و تاران گرت و ڕایانگەیاند كە ئەم ڕێككەوتنە بەس نییە بۆ پەكخستنی بەرنامە ئەتۆمییەكەی ئێران، هەروەك ڕەخنەگران هۆشدارییان دابوو كە یاداشتەكە دەسەڵاتێكی زۆر بە تاران دەدات و ڕێگەی پێ دەدات گەرووی هورمز وەك كارتێكی فشار بەكاربهێنێت.