عێراق لە پلەی سێهەمدایە، كە هاووڵاتییەکانى زۆرترین داوای مافی پەنابەریان لە ئەڵمانیا کردووە

 پەیام 

بەپێی ئاماری نوسینگەی كۆچ و پەنابەرانی ئەڵمانیا، عێراق لە پلەی سێهەمی ئەو وڵاتانەدایە كە زۆرترین هاووڵاتیانی داوای مافی پەنابەریان لەو وڵاتە پێشكەش كردووە.

لە ئاماری نوسینگەی كۆچ و پەنابەرانی ئەڵمانیا كە تۆڕی "سی ئێن ئێن عەرەبی" بڵاوی كردووەتەوە، لە پلەی یەكەمدا سووریەكان زۆرترین داواكاریان لە ساڵی 2015ەوە بۆ پەنابەری لەو وڵاتەدا پێشكەش كردووە، پاشان ئەفغانپیەكان لە دووەمدا دێن، هەروەها لە پلەی سێهەمدا عێراقیەكان، كە بە هەرسێ وڵات نزیكەی سەدا 50ی كۆی داواكاریە پێشكەش كراوەكان پێ دەهێنن.

ڕاپۆرتەكە بە بۆنەی 10 ساڵ تێپەڕین بەسەر بڕیارەكەی ئەنگێلامێركلی ڕاوێژكاری پێشووەوە ئامادەكراوە، كە بڕیاری كردنەوەی دەرگای وڵات بە ڕووی پەنابەراندا دەكرد.

بە پێی ڕاپۆرتەكە سەدان هەزار كەس هەوڵی گەیشتنیان بە ئەڵمانیا دەدا، بەهۆی ئەوەی وڵاتێكی سەقامگیری ئابووری و گەشەكردن بوو، لە ئەنجامدا لە 31ی ئابی 2015دا ئابدا مێركڵ، بڕیاری وەرگرتنی پەنابەرانیدا و هەزاران كەس لە چەند ڕۆژێكدا چوونە ئەو وڵاتەوە. 

بە پێی زانیاریەكان، تەنیا لە نێوان ساڵانی 2015 و 2016 ملیۆنێك و 164 هەزار كەس داوای مافەی پەنابەریان لە ئەڵمانیا پێشكەش كرد.