21 کاتژمێر پێش ئێستا
110 جار خوێنراوەتەوە
ڕێژەی عومرەكاران لە توركیا و باكووری كوردستان 24% زیادیكردووە
پەیام
ڕێژەی عومرەكاران لە توركیا و باكووری كوردستان لە ساڵی ڕابردوودا لەسەدا 24 زیادیكردووە.
تەوفیق ڕەبیعە لە كۆنگرەیەكی ڕۆژنامەوانی هاوبەشدا لەگەڵ عەلی ئەرباش، سەرۆكی كاروباری ئایینی توركیا، لە ئیستانبوڵ ڕاشیگەیاند، ساڵی ڕابردوو 694 هەزار هاووڵاتی توركیا بۆ ئەنجامدانی عومرە چوونەتە سعوودیە.
ئاماژەی بەوەش دا ڕێژەی عومرەكارانی توركیا و باكووری كوردستان لە ساڵی 2024دا بەراورد بە ساڵی 2023،لەسەدا 24 زیادیكردووە. ئاشكراشیكرد: ئێستا هەفتانە 500 گەشتی ئاسمانی لەنێوان فڕۆكەخانەكانی توركیاو سعودییەدا ئەنجام دەدرێن.
وەزیری حەج و عومرەی سعودییە راشیگەیاند: عەرەبستانی سعوودیە هەوڵدەدات باشترین خزمەتگوزاری پێشكەش بە حاجیان و عومرەكارانی وڵاتانی ئیسلامی بكات.
لە تۆڕە کۆمەڵایەتیەکان شەیری بکە