ڕاهێنەری یانەیەک هەڕەشە لە ڕیاڵ مەدرید دەکات

پەیام سپۆڕت - بڕیار تەها

ڕۆبێرتۆ دی زێربی ئیتاڵی و ڕاهێنەری یانەی مارسیلیای فەرەنسی هەڕەشەی بردنەوە لە یانەی ڕیاڵ مەدریدی ئیسپانی دەکات.

 لە میانەی کۆنگرەی ڕۆژنامەوانی پێش یارییەکەیان بەرانبەر ڕیاڵ مەدرید، سەرەتا دی زێربی وتی: ئێمە بۆ گەیشت و سەیران ناچینە مەدرید، ئێمە ئامانجمان هەیە کە دەمانەوێت بەدەستی بهێنین، یاریکردن لەگەڵ تیپەکانی وەک ڕیاڵ مەدرید بۆ ئێمە و بۆ کۆی تیپەکانی دیکە زۆر گرنگە، دەبینین چی ڕوودەدات.

لە درێژەی قسەکانیدا ڕاهێنەرەکەی مارسیلیا ڕایگەیاند، یاریکردن بەرانبەر ڕیاڵ مەدرید قورسە، بەڵام لەوێ شەڕی بۆ سەرکەوتن و بردنەوە دەکەن.

لە کۆتایی قسەکانیدا جارێکی دیکە دی زێربی دووپاتی کردەوە و وتی: بۆ پشودان ناچینە مەدرید، ئێمە دەچینە بێرنابۆ تا هەموو شتێک ئەنجام بدەین، دەزانین ڕیاڵ مەدرید یەکێکە لە باشترین تیپەکانی جیهان، ئێمە بە وریاییەکی زۆرەوە یاری دەکەین، بەڵام بە ئامانجێکی گەورەشمان هەیە.