21/09/2025
445 جار خوێنراوەتەوە
وەزارەتی دارایی فیدڕاڵ دەستی بە دابەشكردنی مووچەی مانگی نۆ كرد
پەیام
لە ڕاگەیەنراوێكیدا،
وەزارەتی دارایی فیدڕاڵ ئاشكرای كرد "فەرمانگەی ژمێریاری وەزارەت ڕێوشوێنەكانی
پارەداركردنی مووچەی مووچەخۆران بۆ مانگى ئەیلوول/9 ى دەستپێكرد".
لە ڕاگەیەنراوەكەی
وەزارەتی دارایی فیدڕاڵدا ئەوەش هاتووە كە "پارەداركردنی مووچەی مانگى ئەیلوول
پاش تەواوبوونی سەرجەم ڕێوشوێنەكانی پەیوەست بە پڕۆسەی ڕێكخستنی خەرجكردنەوە دێت".
دارایی فیدڕاڵ
داوای لە سەرجەم یەكەكانی خەرجیی وەزارەت و پارێزگا و لایەنە ناپەیوەندارەكان كرد
بۆ تەواوكردنی ڕێوشوێنەكانی پارەداركردنی مووچە سەردانی فەرمانگەی ژمێریاریی وەزارەت
بكەن و ڕەچاوی پابەندبوون بە پێویستییەكانی تایبەت بە خەركردنی مووچە بكەن.
خەرجكردنی مووچەی
مانگی نۆ لەلایەن وەزارەتی دارایی حكومەتی فیدڕاڵیی عێراقەوە لەكاتێكدایە لە هەرێمی
كوردستان هێشتا مووچەی مانگەكانی حەوت و هەشت خەرج نەكراوە.
لە تۆڕە کۆمەڵایەتیەکان شەیری بکە