22/09/2025
409 جار خوێنراوەتەوە
پێشەوا هەورامانی: ئەمڕۆ رێککەوتنەکە واژوو دەکرێت و بەربەست لەبەردەم ناردنی مووچە نامێنێت
پەیام
وتەبێژی حکومەتی هەرێم جەخت دەکاتەوە، ئەگەر هیچ کێشەیەک دروست نەبێت، ئەمڕۆ ٢٢ى ٩ى ٢٠٢٥ ڕێککەوتنە سێ قۆڵییەکە واژوو دەکرێت، بەمەش هیچ بەربەستێک لەبەردەم ناردنی مووچە نامێنێت.
پێشەوا هەورامانی، وتەبێژی حكومەتی هەرێمی كوردستان، لە لێدوانێكدا بۆ میدیای پارتی ڕایگەیاند، حكومەتی هەرێمی كوردستان و حكومەتی فیدراڵی و كۆمپانیاكانی بەرهەمهێنانی نەوت گەیشتونەتە رێككەوتن، ئیمزاكردنی رێككەوتنەكەش لە ئان و ساتدایە.
وتیشی، ئەگەر هیچ شتێك نەیەتە ئاراوە، ئەوا بەدڵنیاییەوە ئەمڕۆ دووشەممە، ڕێككەوتنەكە واژوو دەكرێت.
وتەبێژی حكومەتی هەرێم دەشڵێت، “بە واژووكردنی ڕێككەوتنەكە هیچ بەربەستێك لەبەردەم ناردنی مووچە نامێنێت، پێویستە حكومەتی فیدراڵی بەو ئەركەی خۆی هەڵسێت و مووچەی فەرمانبەرانی هەرێمی كوردستان بنێرێت”.
لە تۆڕە کۆمەڵایەتیەکان شەیری بکە