22/09/2025
240 جار خوێنراوەتەوە
بانكی ناوەندیى عێراق: تا ساڵێکى تر مامەڵەی كاش لە فەرمانگە حكومییەكاندا نامێنێت
پەیام
بانكی ناوەندیی عێراق پێشبینی دەكات تا مانگی تەمموزی 2026 مامەڵەی كاش لە سەرجەم دامودەزگاكانی حكومەت و ژمارەیەك دامەزراوەی دیكە نەمێنێت.
د.سەرخام موسا، بەڕێوەبەری چاودێریی دامەزراوە داراییەكانی بانكی ناوەندی، رایگەیاندووە"بانكی ناوەندی لە چوارچێوەی یاسا و ڕێساكان و بە سەرپەرشتی ڕاستەوخۆی سەرۆكوەزیرانی عێراق و پسپۆڕانی دیكە، پێشكەوتنی لە بواری پارەدانی ئەلیكترۆنی بەدەستهێناوە".
ئاماژەی بەوەشكرد، "ترلیۆنان دینار بەشێوەی ئەلیكترۆنی خەرجكراوە، ئەمە جگە لەوەی بەتەواوەتی مامەڵەی كاش لە فەرمانگەكانی وەزارەتی ناوخۆدا نەماوە و بووە بە ئەلیكترۆنی".
بەرپرسەكەی بانكی ناوەندی راشیگەیاند، ئەزموونەكە بۆ هەموو وەزارەتەكانی حكومەت درێژ دەكرێتەوە. ئاماژەی بەوەشكردووە، "زیاتر لە دەستپێشخەرییەك هەیە بۆ هاندانی دامەزراوە حكومییەكانی دیكە بۆ وەرگرتنی چوارچێوەی پارەدانی دیجیتاڵی".
هەروەها راشیگەیاند، بەپێی خەمڵاندنەكانمان "لە مانگی تەمموزی ساڵی داهاتوودا بە تەواوی دەستبەرداری مامەڵەی نەختینەیی لە دامودەزگاكانی دەوڵەت دەبین و بە تەواوی دەبێتە ئەلیكترۆنی".
لە تۆڕە کۆمەڵایەتیەکان شەیری بکە