18 کاتژمێر پێش ئێستا
107 جار خوێنراوەتەوە
ئەكسیۆس: گەیشتن بە ڕێكەوتنی ئاگربەست نزیكە
پەیام
بەپێی سەرچاوە ئەمریكی و زایۆنییەكان گەیشتن بە ڕێكەوتنی ئاگربەست نزیكە و شاندی ئەمریكی پلانەكەی تڕەمپیان ڕادەستی دەسەڵاتدارانی قەوارەی زایۆنی كردووە.
بەپێی ئەوەی ماڵپەڕی ئەكسیۆسی ئەمریكی بڵاوی كردووەتەوە: ستیف ویتكۆف، نێردەی تایبەتی سەرۆكی ئەمریكا بۆ رۆژهەڵاتی ناوەڕاست و جارید كۆشنەر، زاوای تڕەمپ كە هەردووكیان جوولەكەن، بۆ ماوەی شەش كاتژمێر لەگەڵ بنیامین نەتەنیاهوو، سەرۆكوەزیرانی قەوارەی زایۆنی لەبارەی ئاگربەستەوە گفتوگۆیان كردووە.
بەپێی سەرچاوە ئەمریكییەكە "كۆبوونەوەكە لە نیویۆرك ئەنجام دراوە و شاندە ئەمریكییەكە پلانەكەی تڕەمپیان بۆ ئاگربەست و ڕاگرتنی جەنگی سەر كەرتی غەززە لەگەڵ سەرۆكوەزیرانی قەوارەی زایۆنی تاوتوێ كردووە و خواستی تڕەمپیان بۆ ڕاگرتنی جەنگ بە نەتەنیاهوو ڕاگەیاندووە".
ئەكسیۆس لە سەرچاوەیەكی باڵای ئەمریكییەوە، گواستوویەتییەوە: ئەمریكا و ئیسڕائیل لەبارەی ئاگربەستەوە لێك نزیكن و خاڵە ناكۆكەكانیان كەمترە، بەڵام ڕازییبوونی حەماسیش بە ئاگربەستەكە گرنگە كە هێشتا ئەوە ڕانەگەیەنراوە".
لە تۆڕە کۆمەڵایەتیەکان شەیری بکە