15 کاتژمێر پێش ئێستا
135 جار خوێنراوەتەوە
"فەلەستینییەكان تۆنی بلێرـیان وەك سەرۆكی ئیدارەی كاتی لە كەرتی غـ.ەززە قبوڵ نییە"
پەیام
بزووتنەوەی حەماس ڕایگەیاند، فەلەستینییەكان تۆنی بلێریان وەك سەرۆكی ئیدارەی كاتی لە كەرتی غەززە قبوڵ نییە.
حوسام بەدران ئەندامی مەكتەبی سیاسی بزووتنەوەی حەماس، ڕایگەیاند: تۆنی بلێر سەرۆكوەزیرانی پێشووتری بەریتانیا، لای فەڵەستینییەكان كەسێكی پەسەند كراو نییە.
ڕاشیگەیاندووە: "تۆنی بلێر كەسێكی خراپە و دەبێت بەهۆی ئەو تاوانانەی لە جەنگی عێراق لە ساڵانی (2003- 2011) ئەنجامی داون، لەلایەن دادگای نێودەوڵەتییەوە دادگایی بكرێت.
جەختی لەوەش كردووەتەوە، گەلی فەڵەستین توانای خۆبەرێوەبردنی هەیە و وتوویەتی: "ئێمە ئەزموونی باشمان هەیە و دەتوانین پەیوەندییەكانمان لەگەڵ وڵاتانی ناوچەكە و جیهاندا، بەڕێوە ببەین.
لەبارەی پرسی ئاگربەستیشەوە بەرپرسەكەی حەماس ڕایگەیاندووە، تا ئێستا، هیچ پێشنیازێكی نوێیان لەبارەی ئاگربەست لە كەرتی غەززە، بەدەست نەگەیشتووە.
پێشتر ڕۆژنامەی "هائارتز"ی ئیسرائیلی لە سەرچاوەیەكی سیاسیی عەرەبەوە بڵاویكردبوویەوە، ئیدارەی ئەمریكا پلانێكی داڕشتووە، كە تۆنی بلێر وەك سەرۆكی ئیدارەیەكی كاتی بۆ بەڕێوەبردنی كەرتی غەززە، دەستنیشانكراوە.
لە تۆڕە کۆمەڵایەتیەکان شەیری بکە