چین سێیەم كەشتیی فڕۆكەهەڵگری خستە خزمەتی سەربازییەوە

پەیام 

چین سێیەم كەشتیی فڕۆكەهەڵگری خۆی بە توانایەكی ناوازەوە خستە خزمەتی سەربازییەوە.

ئاژانسی هەواڵی فەرمی چین شینخوا بڵاوی كردەوە، كە ئەمڕۆ سێیەم كەشتی فڕۆكەهەڵگر بەناوی فوجیان بە شێوەیەكی فەرمی و پاش مەراسیمێك لە بەندەری سانیا لە هەرێمی هانیان لە باشووری وڵاتەكە كە هەریەك لە شی چین پینگ سەرۆكی چین و ژمارەیەك بەرپرسی حزبی و سەربازی ئامادەی بوون بە شێوەیەكی فەرمی خرایە خزمەتی سەربازییەوە.

كەشیتی فڕۆكە هەڵگری فوجیان، كە دیزاین و دروستكردنی بەتەواوی دەستی ناوخۆیی چینە، وێستگەیەكی سەرەكی لە پلانی سەرۆكی وڵاتەكە بۆ سوپا و بەهێزكردنی توانا دەریاییەكانی پێكدەهێنێت، ئەوەیش لە چوارچێوەی پەرەسەندنی ئاڵۆزییەكان لەگەڵ تایوان و ناكۆییەكان لەسەر باڵادەستی بەسەر دەریای باشووری چیندا.
ئاژانسەكە ڕوونی كردووەتەوە، كە شی جین پینگ سەر كەشتیی فوجیان كەوتووە و زانیاری لەبارەی سیستمی نوێ كەشتییەكەوە پێدراوە، وەك سیستمی مەنجەنیقی كارۆموگناتیزی، كە بەكاردەهێنرێت بۆ ئاڕاستەكردنی فڕۆكەكان، ئەوەیش بەرزترن تەكنەلۆژیایە لەو بوارەدا و لە فڕۆكەهەڵگری جیرالد فۆردی ئەمركیادا نەبێت نییە.

فوجیان یەكەمین كەشتیهەڵگری جۆری كاتوبارە و ڕێگە دەدات بە فڕینی فڕۆكەكان بە تەقەمەنی و سووتەمەنی تەواوەتییەوە، كە توانایەكی بەهێزیان پێدەبەخشێت لە ئۆپراسیۆنی سەربازی گەورەدا.