2 کاتژمێر پێش ئێستا
90 جار خوێنراوەتەوە
غـ.ەززە..بەهۆی داڕووخانی خانوو و باڵەخانە زیانلێكەوتووەكانەوە 18 كەس شەهید بوون
پەیام
ئامارێكی نوێی قوربانییانی جەنگی سەر كەرتی غەززە بەهۆی داڕووخانی خانوو و باڵەخانە زیانلێكەوتووەكانەوە ڕاگەیەنرا.
وەزارەتی ناوخۆی فەڵەستین لە كەرتی غەززە ڕایگەیاند: لە 10ی تشرینی یەكەم، مانگی 10ی ئەمساڵەوە كە ڕێككەوتنی ئاگربەست چووەتە بواری جێبەجێكردنەوە 46 خانوو و باڵەخانەی زیانلێكەوتووی جەنگی دوو ساڵەی سەر كەرتەكە بەسەر دانیشتووانەكەیدا ڕووخاون و بەو هۆیەوە 18 كەس شەهید بوون.
بەپێی ئامارێك كە وەزارەتی ناوخۆی فەڵەستین لە كەرتی غەززە بڵاوی كردەوە: دوایین ڕووداوی داڕووخانی خانوو و باڵەخانە زیانلێكەوتووەكان بەسەر دانیشتووانەكانی ئێوارەی ڕۆژی ڕابردوو بوو كە بەو هۆیەوە لە حەی شێخ ڕەزوان لە شاری غەززە چوار كەس شەهید بوون.
وەزارەتی ناوخۆ هۆشداریی دا لە زیادبوون و بەردەوامبوونی ڕووداوەكانی هاوشێوە ئەگەر قەوارەی زایۆنی لە ڕێگرییكردن لە ئاوەدانكردنەوە و چوونە ناوەوەی خانووی ئامادە بۆ نێو كەرتەكە بەردەوام بێت.
لە ماوەكانی كەمی ڕابردوودا و بەهۆی شەپۆلی باران و نزمەپاڵەپەستۆ و هەڵسانی لافاوەوە چەندین خانوو و باڵەخانە كە پێشتر بەهۆی بۆردومان و هێرشەكانی سوپای قەوارەی زایۆنییەوە زیانیان بەر كەوتبوو و داڕووخان، لەو میانەیەشدا كە هاووڵاتیانی ئاوارە وەك پەناگەیەك بەكاریان دەهێنان شەهید و برینداری لێ كەوتەوە.
لە تۆڕە کۆمەڵایەتیەکان شەیری بکە