ڕۆژنامەی مارکا پلانی ڕیاڵ مەدرید بۆ مێرکاتۆی زستانە ئاشکرا دەکات

پەیام سپۆرت - بڕیار تەها

یانەی ڕیاڵ مەدریدی ئیسپانی پلانی نییە بچێتە نێو مێرکاتۆی زستانەوە و یاریزانی نوێ بۆ پێکهاتەکەی زیاد ناکات.

ئەگەرچی یانەکە لە سەرەتای وەرزەوە بەدەست پێکانی یاریزانەکانەوە دەناڵێنێت، بەڵام بەپێی زانیارییەکانی ڕۆژنامەی مارکای نزیک لە یانەکە، «ڕیاڵ مەدرید هیچ گرێبەستێک لە بازاڕی گواستنەوەی زستانەی ئەم مانگەدا ئەنجام نادات.»

سەرچاوەکە ئاماژە بەوە دەکات، کارگێڕی یانەکە پێیان وایە بە تێپەڕبوونی کات و گەڕانەوەی یاریزانە پێکراوەکان پێکهاتەکەی قەڵای سپی کامڵ دەبێتەوە، لەگەڵ ئەوەی ئیدارەی یانەکە پێکانەکان بە بەشێک لە واقیعی یانە گەورەکان دەزانن.

ئەم هەواڵەی ڕۆژنامەی مارکا دوای ئەوە دێت، لە چەند ڕۆژی ڕابردوو باس لەوە دەکرا، ڕیاڵ مەدرید هەوڵ بۆ گواستنەوەی 'نیکۆ شلۆتەبێک یان ئوپامێکانۆ' دەدات.