سوپای سووریا: ئەو ناوچانەى کۆنترۆڵکراون بە ڕێککەوتن بووە لەگەڵ هەسەدە

پەیام

سوپای سوریا رایگەیاند، بەیانی ئەمڕۆ دەستیان بەسەر بەنداوی تشرین لە باكوری سوریادا گرتووە، لە هەمان كاتدا لە ناوچەكانی دێرەزوور و رەقەوە پێشڕەوییان كردووە.

سوپای سووریا ڕاگەیەنراوێكی لەسەر پێكدادانە سەربازییەكان لەگەڵ هێزەكانی هەسەدە بڵاوكردەوە و بەپێی ڕاگەیەنراوەكە، هێزەكانیان دەستیان بەسەر بەنداوی تشریندا گرتووە لە سەر ڕووباری فوڕات كە گەورەترین بەنداوی سووریایە.

هەروەها راشگەیەنراوە، لە رۆژاوای رەقە و دێرەزوور هێزەكانی سوپا پێشڕەوییان كردووە و دەورووبەری ئەو پارێزگایانەیان كۆنتڕۆڵكردووە پاشئەوەی هێزەكانی هەسەدە لەو ناوچانە كشاونەتەوە.

سوپای سووریا رایگەیاندووە، بەرەو پێشچوونەكان لەو ناوچانە بە ڕێكەوتن بووە لەگەڵ هێزەكانی هەسەدە، هەروەها داواش لە هاووڵاتیانی ئەو ناوچانە كراوە كە پابەندی ڕێنماییەكان بن و بۆ كاری زۆر پێویست نەبێت نەیەنە دەرەوە تا دۆخەكە هێور دەبێتەوە.