1 کاتژمێر پێش ئێستا
44 جار خوێنراوەتەوە
زەیدی داوا لە توركیا دەكات كڕینی نەوتی قاچاخی هەرێم ڕابگرێت
پەیام
عەلی زەیدی سەرۆكوەزیرانی عێراق فەرمانی كردووە
لێكۆڵینەوە لە بەقاچاخبردنی نەوتی هەرێمی كوردستان بكرێت و داوای لە ئەنقەرەش كرد
كڕینی ئەو نەوتە ڕابگرێت.
بەپێی زانیارییەكانی پێگەی عەین كە پێگەیەكی هەواڵی
ئیماراتییە، بڕیارەكەی بەغدا بەهۆی نەگەڕانەوەی داهاتی نەوتی هەناردەكراوە بۆ خەزێنەی
فیدراڵی كە مانگانە بە نزیكەی 562,5 ملیۆن دۆلار دەخەمڵێنرێت.
سەرچاوەكە ئاماژەی بەوە شكردووە "ئەم ڕێنماییە
دوای ئەوە هات كە بەهۆی لێكتێگەیشتنی بەغدا لەگەڵ دەسەڵاتدارانی توركیا بۆ ڕێگریكردن
لە كڕینی ئەو نەوتە، زیاتر لە 300 تانكەری نەوتی هەرێم لەسەر سنوورەكانی توركیا ڕاگیراون
و ڕێگەی چوونەژوورەوەیان پێ نەدراوە".
هاوكات ڕەبیع موسەوی، ئەندامی لیژنەی نەوت و
غاز لە ئەنجوومەنی نوێنەران پشتڕاستی كردەوە كە سەرۆكوەزیران فەرمانی كردووە بە پێكهێنانی
لیژنەیەكی تایبەتمەند تاوەكو وردبینی لە بڕی هەناردەی نەوتی هەرێم بكات و دەستی بە
ئاماری ڕاستەقینەی داهاتەكانی نەوت بگات.
پێشتر لە ئابی 2025دا هەولێر و بەغدا ڕێك كەوتبوون
تەواوی نەوتی كێڵگەكانی هەرێمی كوردستان جگە لە 50 هەزار بۆ بەكارهێنانی نێوخۆیی ڕادەستی
كۆمپانیای سۆمۆ بكرێت، بەڵام جێبەجێنەكردنی تەواوەتیی مەرجە داراییەكان و چارەنووسی
داهاتەكەی، جارێكی دیكە دۆسیەكەی جوڵاندووەتەوە.
لە تۆڕە کۆمەڵایەتیەکان شەیری بکە