دارایی عێراق: بۆ كەمكردنەوەی خەرجییەكان، بڕیاردراوە ئیفاد و گەشتە دەرەكییەكان ڕابگیرێن

پەیام 

وەزارەتی دارایی عێراق چەند بڕیارێكی نوێی سەبارەت بە ڕێكخستنەوەی دۆخی دارایی وڵات دەركرد، ڕاشیگەیاندووە، بۆ كەمكردنەوەی خەرجییەكان، بڕیاردراوە ئیفاد و گەشتە دەرەكییەكان ڕابگیرێن لەبرى ئەوە بۆ ڕاهێنان و كۆبوونەوەكان سوود لە كۆبوونەوەی ئۆنلاین وەربگیرێت.

وەزارەتی دارایی عێراق رایگەیاندووە، سەبارەت بە چاكسازییە ئابوورییەكان و ڕێكخستنەوەی دۆخی دارایی وڵات بڕیار دراوە بە پەیڕەوكردنی سیستەمی ئۆتۆماتیك لە هەموو كەرتە حكومییەكان و گۆڕینی شێوازی كۆكردنەوەی داهات بۆ ئەلیكترۆنی.

بەپێی ڕاگەیەنراوی وەزارەتی دارایی عێراق، بە مەبەستی زیادكردنی شەفافیەت و كەمكردنەوەی بەفیڕۆدانی سامانی گشتی بڕیارەكان دەركراون، لەگەڵ ئەوەشدا پرۆسەی چاودێریكردن توندتر و فراوانتر دەكەنەوە. 

هەروەها لەگەڵ ئەوەشدا وەزارەتی دارایی رایگەیاندووە، وەك هەنگاوێك بۆ كەمكردنەوەی خەرجییەكان، بڕیار درا سەرجەم گەشتە دەرەكییەكان و ئیفادەكان ڕابگیرێن و لەبری ئەوە بۆ مەشق و ڕاهێنان و كۆبوونەوەكان سوود لە كۆبوونەوەی ئۆنلاین وەربگیرێت.