پێش 3 هەفتە
938 جار خوێنراوەتەوە
وتاربێژی بەغداد: پێویستە دەست بۆ مووچەی بەرپرسانی باڵا ببرێت، نەک فەرمانبەران
پەیام
وتاربێژی مزگەوتی ئەبو حەنیفە لە بەغداد هۆشداری دەداتە حكومەتی عێراق و دەڵێت: "دەست بۆ مووچەی فەرمانبەران مەبەن، لەجیاتى ئەوان پێویستە دەست بۆ مووچەی بەرپرسانی باڵا ببرێت".
لەمیانەی وتاری هەینیدا عەبدولوەهاب سامەڕایی، پێشنوێژ و وتارخوێنی مزگەوتی ئەبوحەنیفەی نوعمان لە ناوچەی ئەعزەمییەی سوننەنشین لە بەغداد، ڕایگەیاند: ئاراستەیەك هەیە بۆ ئەوە چارەسەری قەیرانی ئابووریی عێراق بە سیاسەتی سكهەڵگوشین و تەقەشوف بكرێت بەڵام پێویست ناكات چارەسەری قەیران بە فەرمانبەرانی بچوك بكرێت بەڵكو پێویستە دەست بۆ مووچەی بەرپرسانی باڵا ببرێت.
سامەڕایی باسی لەوە كردووە، بەهۆی ئەو ئاڕاستەیەوە هەندێك لە فەرمانبەران و مامۆستایان بیر لەوە دەكەنەوە واز لە فەرمانبەری بهێنن.
وتاربێژی بەغداد هەروەها دەڵێت: پەرلەمانتارێك تەنیا چوار ساڵ كار دەكات و مووچەی خاەنشینی بە درێژایی ژیانی وەردەگرێت، بەڵام فەرمانبەرێكی ئاسایی لانی كەم 20 ساڵ كاv دەكات و دواتریش خانەنشینییەك وەردەگرێت و هێشتا مەترسیی نەدانیشی هەیە.
لە تۆڕە کۆمەڵایەتیەکان شەیری بکە