17 خولەک پێش ئێستا
88 جار خوێنراوەتەوە
ئاگركەوتنەوە لە وێستگەی كارەبای هارسە لە بەسرە 39 قوربانی لێ كەوتەوە
پەیام
ئاگرێكی گەورە لە وێستگەیەكی
غازیی كارەبا لە پارێزگای بەسڕە كەوتەوە و بەپێی ئامارە سەرەتاییەكانیش 39 كەس
بوونەتە قوربانی.
سەرلەبەیانی ئەمڕۆ شەممە،
بۆریییەكی غازی لە نزیك وێستگەی كارەبای قەزای (هارسە) لەوپەڕی باشووری پارێزگای بەسرە
تەقیەوە.
لە نوێترین ڕاگەیەنراویشدا
لەوبارەوە، شانەی ڕاگەیاندنی ئەمنیی بڵاوی كردەوە كە بەپێی نوێترین ئامارەكان چوار
كەس بەهۆی ڕووداوەكەوە گیانیان لەدەست داوە و 35ی دیكە بریندار بوون.
شانەی ڕاگەیاندنی ئەمنیی
ڕایشیگەیاند: لێكۆڵینەوە لە هۆكار و وردەكاری تەقینەوەكە دەستی پێ كردووە.
پێشتر فەرمانگەی تەندروستیی
پارێزگای بەسرە ئاماری سەرەتایی ڕووداوەكەی گیانلەدەستدانی بە دوو حاڵەتی گیانلەدەستدان
و برینداربوونی 28 كەسی دیكە ئاشكرا كرد و ڕایگەیاند: بریندارەكان لە ڕووی پلەی مەترسیدارییەوە
لە یەكدی جیاوازن.
پێشتر بەڕێوەبەرایەتیی بەرگریی
شارستانیی بەسرە كۆنترۆڵكردنی ئاگرەكەی وێستگەی كارەبای قەزای (هارسە)ی ڕاگەیاندبوو.
بەپێی زانیارییەكان، دوای
تەقینەوەكە، ئاگرەكەی گەیشتە كۆگاكانی غاز و زیانی بە وێستگەكە و زیاتر لە 17 ماڵ
و چەند ئۆتۆمبێلێك گەیاند.
ئەمەو وێستگەكە 20 كیلۆمەتر
لە باكووری سەنتەری شاری بەسرە دوورە و توانای بەرهەمهێنانی نزیكەی 1400 مێگاواتی
هەیە.
لە تۆڕە کۆمەڵایەتیەکان شەیری بکە