17 خولەک پێش ئێستا
28 جار خوێنراوەتەوە
عەبوودی: پاراستنی بۆرییە نەوتییەكان لە سەرجەم ناوچەكانی عێراق لە ئەستۆماندایە
پەیام
وتەبێژی حكوومەتی عێراق ڕایگەیاند:
پاراستنی بۆرییە نەوتییەكان لە سەرجەم ناوچەكان لە ئەستۆی حكوومەتی فیدڕاڵییدایە.
حەیدەر عەبوودی وتەبێژی
حكوومەتی عێراق ئاشكرای كرد، كە دەستگیركردنی كەسانێك كە دەستیان لە قاچاخچێتیی نەوتدا
هەبووە بەدوور نازانین و وتیشی: هەر كەس ناوی لە لێكۆڵینەوەكانی تایبەت بە دۆسیەی
نەوتدا هەبێت دەستی دادگای پێ دەگات.
لە لێدوانێكی ڕۆژنامەوانییدا
حەیدەر عەبوودی ڕایشیگەیاند: پاراستنی بۆرییە نەوتییەكان لە ئەستۆی حكوومەتی فیدڕاڵییداڵیە
و ئەمەش تەنیا بۆ چوارچێوەیەكی جوگرافی دیارییكراو نییە، بەڵكوو سەرجەم ناوچەكان دەگرێتەوە.
حەیدەر عەبوودی وتیشی: هێزە
ئەمنییەكانمان ئامادەیی تەواویان بۆ پاراستنی هەموو عێراق هەیە، ئەو هێزانەش فەرمانیان
پێ دراوە بەدواداچوون بۆ هەر گومانێكی قاچاخچێتی نەوت بكەن و ڕاپۆرت و زانیارییەكان
بۆ سەرۆكوەزیران بەرز بكەنەوە.
بەپێی قسەی وتەبێژی
حكوومەتی عێراق حكوومەت ڕێگە نادات ئەو دڵەڕاوكێ و ئاڵۆزییەی پێشتر لە جورفولسەخر
هەبووە دووبارە ببێتەوە و وتیشی: تا دێت متمانەی كۆمەڵگەی نێودەوڵەتیی بە عێراق زیاتر
دەبێت.
لە تۆڕە کۆمەڵایەتیەکان شەیری بکە