ئێران لێدوانەکەى ترەمپ لەبارەى بڕیاری لەسێدارەدانی 800 كەسەوە بەدرۆدەخاتەوە

پەیام  

دەسەڵاتی دادوەریی ئێران لێدوانێكی دۆناڵد ترەمپ ڕەتدەكاتەوە و دەڵێت:  "بڕیاری لەسێدارەدانی 800 كەسمان نەداوە".

ئاژانسی هەواڵیی "میزان" سەربە دەسەڵاتی دادوەریی ئێران بڵاوی كردەوە، كە محەمەد موەحیدی، داواكاری گشتیی ئێران،  لە میانەی كۆبوونەوەیەكدا لە تاران جەختی لەوە كردووەتەوە: دۆناڵد ترەمپ سەرۆكی ئەمریكا "لێدوانی ناهاوسەنگ" ی داوە و ڕایگەیاندووە:  بانگەشەكەی ترەمپ لە بارەی سزای لەسێدارەدانەوە هیچ بنەمایەكی نییە و دوورە لە ڕاستییەوە.

پێشتر سەرۆكی ئەمریكا، ڕایگەیاندبوو كە دەسەڵاتی دادوەریی ئێران، بڕیاری لەسێدارەدانی 800 كەسی بەشداربووی خۆپیشاندانەكانی ئەو ڵاتەی هەڵوەشاندووەتەوە. بەڵام محەمەد موەحیدی دەڵێت: ئەو بانگەشەیە هیچ بنەمایەكی نییە و گوتیشی: "تا ئێستا دەسەڵاتی دادوەریی ئێران هیچ بڕیارێكی بۆ لەسێدارەدانی ئەو ژمارەیە دەرنەكردووە".

 ئەوەش دوای ئەوە هات لە خۆپیشاندانەكانی ئەم دواییانەی ئێراندا، دەسەڵاتدارانی تاران بە كوشتن و لەسێدارەدانی سەدان كەس تۆمەتبار دەكرێن و ئەوانیش سەرەڕای ڕەتكردنەوەی تۆمەتەكان باس لەوە دەكەن، ئەمریكا و رۆژئاوا دەستێوەردانیان لە وڵاتەكە كردووە و هانی پشێوی و ئاژاوەیان داوە.