لەبارەى درێژكردنەوەی ئاگربەستى نێوان هەسەدە و دیمەشق، زانیاریی پێچەوانە بڵاودەكرێتەوە

پەیام  

زانیاری پێچەوانە لەسەر درێژكردنەوەی ئاگربەست لەنێوان هێزەكانی سووریای دیموكرات (هەسەدە) و حكومەتی سووریا بڵاو دەكرێتەوە.

چەند سەرچاوەیەك بە ئاژانسی هەواڵی فرانس پرێسیان ڕاگەیاندووە: حكومەتی سوریا و هێزە كوردییەكان لەسەر درێژكردنەوەی ئاگربەست كە بڕیار بوو ئەمڕۆ شەممە كۆتایی پێ بێت، ڕێك كەوتوون.

فرانس پرێس ئاماژەى بەوەشکردووە: یەكێك لە هۆكارەكانی درێژكردنەوەی ئاگربەست گواستنەوەی زیندانییانی داعشە لە سوریاوە بۆ عێراق.

هەر چەندە تائێستا هیچ ڕاگەیاندنێكی فەرمی لەوبارەوە بڵاو نەكراوەتەوە، بەڵام دوو سەرچاوە پشتڕاستیان كردووەتەوە كە درێژكردنەوەكە بۆ ماوەی مانگێكە. 

لای خۆیەوە، ئاژانسی هەواڵی فەڕمیی سوریا (سانا) لە زاری سەرچاوەیەك لە وەزارەتی دەرەوە درێژكردنەوەی ماوەی ئاگربەستی ڕەتكردەوە.

ڕاشیگەیاندووە: تائێستا هیچ ڕاستییەك لەبارەى درێژكردنەوەی وادەی ئاگربەست لەگەڵ هەسەدا نییە.