1 کاتژمێر پێش ئێستا
114 جار خوێنراوەتەوە
ڕێككەوتنی حكومەتی سوریا و هەسەدە لە دووشەممەوە جێبەجێدەكرێت
پەیام
وەزیرێكی حكومەتی سوریا ڕایدەگەیەنێت: ڕێككەوتنە نوێیەكە لەگەڵ هێزەكانی سووریای دیموكرات (هەسەدە) لە ڕۆژی دووشەممەوە دەچێتە بواری جێبەجێكردنەوە.
حەمزە مستەفا، وەزیری ڕاگەیاندنی سوریا ڕایگەیاند: ڕێككەوتنی گشتگیری واژووكراو لەگەڵ هەسەدە لە ڕۆژی دووشەممەوە دەست بە جێبەجێكردنی دەكرێت.
حەمزە مستەفا لە زنجیرەیەك لێدوانیدا بۆ (تەلەفزیۆنی سووریا) باسی لەوەش كرد ئەو ڕێككەوتنە كە لەبارەی شارەكانی حەسەكە و قامیشلۆ و تێكەڵكردنی هێزە كوردییەكان كراوە، تەواوكاریی ئەو ڕێككەوتنە بوو لە 18ی مانگ كرا.
وتیشی: بەڕێوەبەری ئاسایشی حەسەكە ڕۆژی دووشەممە دەستبەكار دەبێت و لەماوەی 10 ڕۆژیشدا حكومەتی سوریا كێڵگە نەوتیەكانی ڕومەیلان و سویدیە و فڕۆكەخانەی قامیشلۆ وەردەگرێت.
وەزیری ڕاگەیاندنی سوریا ئاماژەی بەوەش كرد "پرسی كورد لە سوریا زۆر ئاڵۆزە" و بە قسەی ئەو "هەسەدە هەوڵی داوە كوردەكان لەخۆیدا كورتهەڵبێنێت و بابەتەكە بەسیاسیی بكات".
هەر لەو میانەیەشدا وەزیرەكەی حكومەتی سووریا وتی: یەكپارچەیی سوریا هاوشێوەی ڕابردوو لە مەترسیدا نەماوە.
لە تۆڕە کۆمەڵایەتیەکان شەیری بکە