04/02/2026
355 جار خوێنراوەتەوە
ڕێكخراوێكی بیانی: مانگی ڕابردوو هه‌زار كۆچبه‌ر له ده‌ریای ناوه‌ڕاست بوونه‌ته قوربانی
ڕێکخراوێکی بەهاناوەچوون ڕایدەگەیەنێت، ژمارەی ئەو کۆچبەرانەی مانگی ڕابردوو لە باوبۆرانی دەریای ناوەڕاستدا گیانیان لەدەست دا گەیشتووەتە نزیکەی هەزار کەس.
دەریای ناوەڕاست دەکەوێتە نێوان ئیتاڵیا و ماڵتا و لیبیا و توونسەوە، یەکێک لە قەرەباڵغترین ڕێگاکانی کۆچکردنی نایاساییە بەرەو ئەورووپا، لەکاتی نقومبوون یان زریان و باوبۆرانیشدا، ڕێکخراوە تایبەتمەندە ئەورووپییەکان بەهانای کۆچبەرانەوە دەچن و دواتر لە کەناراوەکانی ئەفریقا ئازادیان دەکەن.
ساڵانە هەزاران کەس لەو ڕێگەیەی کۆچکردن بۆ ئەورووپا گیان لەدەست دەدەن، لەنێوان 18 بۆ 25 ی مانگی یەکی ئەمساڵیش باوبۆرانێکی توند کە دواتر بە زریانی "هاری" ناسرا زیانێکی گەورەی لە کەناراوەکانی باشووری ئیتاڵیا و دوورگەی ماڵتا دا. ئەو کۆچبەرانەش لەو هەفتەیەدا هەوڵی پەڕینەوەیان دا ژمارەیەکی زۆریان بوونە قوربانی.
ڕێکخراوی "میدیتێرنیا بۆ پاراستنی مرۆڤ" کە بارەگاکەی لە ئیتاڵیایە و کار لەسەر بەهاناوەچوون و فریاکەوتنی کۆچبەرانی نایاسایی دەکات لەکاتی پەڕینەوەیان لە دەریای سپیی ناوەراست بەرەو ئەورووپا، لە ڕاگەیەنراوێکدا ئاشکرای کردووە: کۆمەڵێک ژمارە و زانیارییان لە کۆچبەرانی لیبیا و توونسەوە کۆکردووەتەوە و بۆیان دەرکەوتووە لە زریان و باوبۆرانەکەی مانگی ڕابردووی دەریای ناوەڕاستدا نزیکەی هەزار کۆچبەری نایاسایی گیانیان لەدەست داوە.
لە تۆڕە کۆمەڵایەتیەکان شەیری بکە