وەزارەتی دارای عێراق: مووچە زامنكراوە دەنگۆی نەدانی ڕەتدەكەینەوە

پەیام 

وەزارەتی دارایی عێراق دەنگۆی نەدانی مووچە ڕەتدەكاتەوە و جەخت دەكاتەوە لەوەی مووچەی فەرمانبەران و خانەنشینان زامن كراوە.

وەزارەتی دارایی عێراق لە ڕاگەیەنراوێكدا سەرجەم ئەو دەنگۆیانەی ڕەتكردەوە كە لە تۆڕە كۆمەڵایەتیەكان لەبارەی مووچەوە بڵاوبوونەتەوە و گوایە لە مانگی داهاتووەوە ناتوانرێت مووچە بدرێت و خەزێنەی دەوڵەت خاڵیە و پارەی تێدا نیە و دەڵێت ئەو زانیارییانە ناڕاستن و لەلایەن هیچ لایەنێكی فەرمی دەرنەچوون.

وەزارەتی دارایی عێراق جەخت دەكاتەوە لەوەی مووچەی فەرمانبەران و خانەنشینان زامن كراوە و بەپێی ڕێكارە كارپێكراوەكان و لەوادەی خۆی سەرف دەكرێت و ئەوەی لەبارەی مووچەوە بڵاوكراوەتەوە دوورە لە ڕاستیەوە و داوا دەكات تەنیا پشت ببەسترێت بە زانیاری فەرمی.

پێشتر دەنگۆی ئەوە بڵاوبووەوە گوایە مانگی داهاتوو مووچە بەشێوەی قیست بەسەر فەرمانگەكان دابەش دەكرێت و نرخی كاڵاكانیش بەرزدەبنەوە و ئەمەش نیگەرانی لای هاووڵاتیان دروستكرد.