07/02/2026
225 جار خوێنراوەتەوە
عێراق: دانوستانەکانی ئێران و ئەمریکا هەنگاوێکی ئەرێنییە بۆ کەمکردنەوەی گرژییەکان
پەیام
وەزارەتی دەرەوەی عێراق پێشوازی لە دەستپێکردنەوەى دانوستانەکانی ئێران و ئەمریکا دەکات و بە هەنگاوێکی ئەرێنی بۆ کەمکردنەوەی گرژییەکان ناویدەبات.
دواى دەستپێکردنەوەى دانوستانى ناڕاستەوخۆى ئێران و ئەمریکا لە مەسقەتى پایتەختى عوممان، وەزارەتی دەرەوەی عێراق رۆژى 6ى 2ى 2026 لە راگەیەندراوێکدا پێشوازی لە دەستپێکردنەوەى دانوستانەکانی نێوان ئێران و ئەمریکاى کرد و ئەم دانوستانانەى بە هەنگاوێکی ئەرێنی بۆ کەمکردنەوەی دۆخی گرژی و کردنەوەی دەرگای گفتوگۆ ناوبرد.
وەزارەتەکە ئاماژەی بەوەشکرد، پشتیوانی لە هەموو هەوڵێک دەکات کە ئامانجی کەمکردنەوەی گرژییەکان و جێگیرکردنی سەقامگیریی بێت لە ناوچەکە.
وەزارەتی دەرەوەی عێراق هەروەها ستایشی رۆڵی سەڵتەنەی عومانیشى کرد کە میوانداریی دانوستانی نێوان ئەو دوو وڵاتەی کرد.
لە تۆڕە کۆمەڵایەتیەکان شەیری بکە